Sav 56
56
Mboya ya Mũĩkĩĩo
Kwa mwinĩthya: Savulĩ ĩno yaandĩkiwe nĩ Ndeviti. Amiandĩkie yĩla Avilisiti mamũkwatie e ndũanĩ ya Ngathi.
1 #
1Sam 21.13-15
Ame Ngai mbĩw'ĩe tei,
nũndũ andũ nĩmambithũkĩĩte;
amaitha makwa menthĩny'a mũthenya w'onthe.
2Mũthenya w'onthe amaitha makwa nĩmekũnthĩny'a,
nũndũ aingĩ nĩmekũmbũkita me na ngathĩĩo.
3Yĩla ngũkĩa,
nĩngũĩkĩĩaa.
4Nĩnĩĩkĩĩaa Ngai na kũtaĩa ndeto yake,
nĩnĩkwatasya Ngai na ndikĩaa,
mũndũ atonya kũmbĩka ata?
5Mũthenya w'onthe amaitha makwa nĩmelelũkasya ndeto syakwa;
kĩla ĩvinda methĩawa maisũanĩa kũmbĩka naĩ!
6Mombanĩaa vamwe mevithĩte,
na kũsyĩma mĩendele yakwa meteelete mambũae.
7Ame Ngai ĩvĩthya andũ asu kwĩanana na ũthũku woo;
mamine na ũthatu waku!
8Nĩwĩsĩ ũndũ nĩthĩnĩte,
ĩkĩaa methoi makwa sũvanĩ waku,
nĩ kana ũmanye ũndũ nĩĩĩte mũno wĩana.
Nũndũ we ũtamaandĩkĩte ĩvukunĩ yaku?
9Mũthenya ũla ngakwĩkaĩla,
amaitha makwa nĩmakatũngĩthw'a.
Kwa nzĩa ĩsu ngamanya kana Ngai e ngalĩkonĩ ĩla yakwa.
10Nĩnĩĩkĩĩaa Ngai na kũtaĩa ndeto yake,
nĩnĩĩkĩĩaa Mwĩai Ngai na kũtaĩa ndeto yake.
11Nĩkwatasya Ngai na ndikĩaa,
mũndũ atonya kũmbĩka ata?
12Ame Ngai no nginya ngeanĩsya mawĩvĩto ala nakwathie;
ngakumĩsya nthembo ya kũtũnga mũvea,
13nũndũ nĩwovoetye thayũ wakwa kuma kĩkw'ũnĩ,
na ũkatuma ndasindwa.
Kwoou nĩkalanasya na Ngai,
kyeninĩ kĩla kĩtisĩaa ala me thayũ.
Currently Selected:
Sav 56: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
