Sav 52
52
Kwĩkathĩĩa Ũthũkunĩ nĩ Mana
Kwa mwinĩthya: Savulĩ ĩno yaandĩkiwe nĩ Ndeviti. Amĩandĩkie yĩla Ndoeki kuma Etomu waendie kũtavya Saũlo kana Ndeviti nũendie kwa Aimeleki
1 #
1Sam 22.9-10
We mũndũ wĩ ũtonyi,
wĩĩkathĩĩa ũthũkunĩ nĩkĩ?
Ũseo wa Ngai nĩwĩkalaa mavinda onthe.
2Ũvangaa mĩvango ya kwananga ala angĩ;
ũĩmĩ waku ũilyĩ ta kawembe koĩ;
kĩla ĩvinda wĩthĩawa ũivanga kũkengana.
3Wendete ũthũku mbee wa ũseo,
na ũvũngũ mbee wa kũneena ũw'o.
Sela
4Nĩwendete ndeto syonthe ila ivĩtĩasya andũ,
we mũndũ mũkengani!
5Kwa w'o Ngai akakwananga tene na tene;
akakũkwata na aikũvulya kuma mũsyĩ kwaku;
akakũvetanga nthĩ ya ala me thayũ.
Sela
6Ala alũngalu makoona ũu na maikĩa,
na maikũthekeea mayasya,
7“Sisyai mwone mũndũ waleile kũmantha wĩvitho vala ve Mwĩai Ngai,
ĩndĩ aĩkĩĩa wingĩ wa ũthwii wake,
na amanthaa wĩvitho ũthwiinĩ wake!”
8Ĩndĩ nyie nĩilyĩ ta mũtĩ wa mũthata ũmeete nyũmbanĩ ya Ngai;
nĩĩkĩĩaa wendo wa Ngai ũla ũtaolekaa tene na tene.
9We Ngai ngakũkathaa tene na tene,
nũndũ wa maũndũ ala ũmbĩkĩte.
Ngawetaa kana wĩ mũseo,
yĩla nĩ andũnĩ maku onthe.
Currently Selected:
Sav 52: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
