Sav 53
53
Mothũku ala Andũ Mekaa
(Sav 14)
Kwa mwinĩthya: Savulĩ ĩno yaandĩkiwe nĩ Ndeviti
1 #
Alo 3.10-12
Ndia yaasya ngoonĩ ya yo,
“Kũi Ngai.”
Nĩ andũ athũku, mekaa mothũku ma kũthatya.
Vai ũmwe wĩkaa ũseo.
2Ngai nũsiasya andũ e ĩtunĩ,
nĩ kana amanye kana ve andũ me na ũmanyi,
na kana ve andũ mamũmanthaa.
3Ĩndĩ onthe nĩmaumĩte nzĩanĩ;
onthe o namo nĩmekaa maũndũ mathũku;
vai ũmwe woo wĩkaa ũla waĩlu; vaiĩ o na ũmwe.
4“Nĩkũlya, andũ asu athũku no methĩawa na ũmanyi?
Maminaa andũ makwa o ũndũ maminaa kya ũya,
na mayĩkaĩlaa Mwĩai Ngai.”
5Makakwatwa nĩ w'ĩa mwingĩ ũndũ mataakĩa ĩngĩ,
nũndũ Ngai akanyaĩĩkya mavĩndĩ ma amaitha ma andũ make.
Ngai nũmaekete,
na kwoou andũ ma Ĩsilaeli makamasinda vyũ.
6Mwa kethĩwa ũtangĩĩo wa Ĩsilaeli nĩwuma Saioni,
yĩla Mwĩai Ngai wĩtuma andũ make maendeea nesa ĩngĩ!
Nzyawa sya Yakovo ikatana!
Andũ ma Ĩsilaeli makeew'a mũyo!
Currently Selected:
Sav 53: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
