Sav 51
51
Mboya ya Kwĩtya Ũekeo
Kwa mwinĩthya: Savulĩ ĩno yaandĩkiwe nĩ Ndeviti. Amĩandĩkie ĩtina wa mwathani Nathani athi kũmũkany'a yĩla weekie ũlaalai na Mbathi-sieva
1 #
2Sam 12.1-15
Ame Ngai mbĩw'ĩe tei kwĩanana na wendo waku ũtaolekaa,
nũndũ wa tei waku mwingĩ,
thambya naĩ syakwa!
2Nthambye ũthũku wakwa vyũ,
na ũinthesya naĩ yakwa!
3Nũndũ nĩnĩsĩ mavĩtyo makwa,
na kĩla ĩvinda nĩthĩawa nĩsĩ naĩ yakwa.
4 #
Alo 3.4
Nĩngũvĩtĩsye, we wĩ weka nĩngũvĩtĩsye,
na ngeka kĩla ũtalaa kwĩthĩwa nĩ ũthũku,
kwoou ũsilĩlo waku nĩ wa w'o,
na ndũtũlwa mũtĩ nũndũ wa ũtw'ĩo waku.
5Kwa w'o nasyaĩwe ũthũkunĩ,
na mwaitũ angitavĩie o naĩnĩ.
6Kwa w'o nĩwendaa ũw'o ngoonĩ ya mũndũ,
usũsya kĩlĩko kyakwa na ũĩ.
7Nthesye naĩ yakwa na nĩngwĩthĩwa nĩ mũtheu;
nthambye na nĩĩthĩwa nĩ mweũ mbee wa ĩa.
8Mbĩw'ĩthye ũtanu na mũyo,
na o na vala nũndũlangĩte na kũmbananga,
nĩngwĩthĩwa nĩ na ũtanu ĩngĩ.
9Vitha ũthyũ waku ndũkone naĩ syakwa,
na ũivetanga mavĩtyo makwa onthe.
10Ame Ngai mbũmbĩe ngoo ntheu nthĩnĩ wakwa,
na ũimbĩkĩa thayũ mweũ wĩ na ũw'o.
11Ndũkambĩkye kũasa kuma vala ũĩ,
na ndũkambetee Veva waku mũtheu.
12Ndũngĩe ũtanu ũla wumanaa na ũtangĩĩo waku,
na ũindonyethya kwĩthĩwa ndikwĩw'a.
13Nĩvo ĩndĩ nĩmanyĩsya eki ma naĩ mĩao yaku,
namo avĩtany'a makakũsyokea.
14Ame Ngai, Ngai ũla ũndangĩĩaa,
mbonokye kuma ĩvĩtyonĩ ya kũaa,
nakwa kwa ũtanu ngatavany'a ĩũlũ wa ũlũngalu waku.
15Ame Mwĩai ndonyethye kũneena,
na ngakũkathaa na kanyw'a wakwa.
16Nĩkwĩthĩwa ndwendeeaw'a nĩ nthembo;
kethĩwa nĩ ũu nĩũkumĩsya.
Ndwendeeaw'a nĩ nthembo sya kũvĩvw'a.
17Ame Ngai, nthembo yakwa nĩ ngoo yĩna ũuu;
ndũkavũthya ngoo yĩna ũuu na wĩlilo.
18Ame Ngai, kwa ũseo waku ĩw'ĩa Saioni tei;
aka ĩngĩ ngũta sya Yelũsalemu.
19Nĩvo ĩndĩ wĩendeew'a nĩ nthembo ila syaĩlĩte,
na nĩ nthembo sitũ sya kũvĩvw'a,
na tũsalũ tũithembewa kĩthembeonĩ kyaku.
Currently Selected:
Sav 51: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
