Sav 4
4
Mboya ya Wĩoo ya Kwĩkwatya Ngai
Kwa mwinĩthya: Aitũmĩa mĩio ya Mbathi yĩ ndii. Savulĩ ĩno yaandĩkiwe nĩ Ndeviti
1Ame Ngai wakwa mũlũngalu, nzũngĩae yĩla nakwĩkaĩla.
Yĩla naĩ thĩnanĩ nĩwandetheeisye;
mbĩw'ĩe tei na ũyĩw'a mboya yakwa.
2Inyw'ĩ andũ mwĩmbanangĩa ĩsyĩtwa kũvika ĩndĩĩ?
Mwĩendeea kwendeew'a nĩ maũndũ ma mana,
na kũatĩĩa ũvũngũ kũvika ĩndĩĩ?
Sela
3Manyai kana Mwĩai Ngai nũvathĩte ala alũngalu methĩwe make,
Mwĩai Ngai nũmbĩthukĩĩasya yĩla namwĩkaĩla.
4 #
Aev 4.26
Thataai, ĩndĩ mũikeke naĩ;
yĩla mũkomete mokomonĩ menyu,
neenany'ai kĩla mũndũ na ngoo yake, na ĩthĩwai mũvindĩtye.
Sela
5Umyai nthembo ila syaĩlĩte,
na mũiĩkĩĩa Mwĩai Ngai.
6Nĩ aingĩ ala makũlasya, “Ũla ũtonya kũtwĩka nesa nũũ?
Ame Mwĩai Ngai, nĩtũũkwĩsũva ũtwĩw'ĩe tei.”
7Nũtumĩte nĩthĩwa na ũtanu mwingĩ ngoonĩ yakwa,
mbee wa ũndũ ala mena ngetha mbingĩ ya mbaa mbeke na ndivai matonya kũtana.
8Ngakomaa na kũlĩkwa nĩ na mũuo,
nũndũ we Mwĩai Ngai wĩ weka nue ũmbĩkalasya ũsũvĩonĩ.
Currently Selected:
Sav 4: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
