Sav 48
48
Saioni Ndũa ya Ngai
Savulĩ ĩno yaandĩkiwe nĩ nzyawa sya Kola
1Mwĩai Ngai nĩ mũnene na nĩwaĩlĩte kũtaĩwa mũno,
ndũanĩ ya Ngai waitũ, kĩĩmanĩ kyake kĩtheu.
2 #
Mat 5.35
Saioni kĩĩma kya Ngai, ngalĩko ya ĩũlũ, nĩ kĩtũlu na nĩ kyanake;
ndũa ya mũsumbĩ mũnene nĩtumaa nthĩ yonthe ĩtana.
3Nyũmbanĩ nene mbanakavye syayo,
Ngai nĩwoonanisye kana nĩwe wĩvitho wayo.
4Asumbĩ nĩmoombanie vamwe,
na mooka kũvithũkĩa Kĩĩma kya Saioni.
5Yĩla moonie ndũa ĩsu oou, nĩmaseng'ie mũno,
nĩmatelemile na masemba makĩĩte.
6Vau nĩmakwatiwe nĩ kĩtetemo,
na woo ta wa mũndũ mũka ũkwaũnya.
7Nĩwamanangie ta meli sya Talisisi,
ikwanangwa nĩ kĩseve kya kwananga kĩla kyumaa wumĩlonĩ wa syũa.
8O ũndũ tweewie now'o twoonie,
ndũanĩ ya Mwĩai Ngai Mwene Ũtonyi W'onthe,
ndũanĩ ya Ngai waitũ,
ĩla Ngai ũsũvĩaa tene na tene.
Sela
9We Ngai, nĩtũsũanĩaa ĩũlũ wa wendo waku ũtaolekaa,
twĩ nthĩnĩ wa Ĩkalũ yaku.
10O tondũ ĩsyĩtwa yaku yĩilyĩ we Ngai,
nguma syaku syĩ kĩla vandũ ĩũlũ wa nthĩ;
ũsumbĩkaa na sila wa katĩ.
11Andũ ma Saioni nĩmatane,
andũ ma ndũa sya Yuta nĩmew'e mũyo,
nũndũ ũsilĩlaa andũ na sila wa katĩ.
12Inyw'ĩ andũ ma Ngai endai mũthyũlũlũke Saioni,
na mũitala myako ya yo mĩtũlu.
13Sisyai ngũta syayo nesa,
na mũisisya nyũmba syayo nene mbanakavye,
nĩ kana mwĩĩthĩwa mũtonya kũtavya nzyawa ila syũkĩte atĩĩ:
14“Ngai ũũ nĩ Ngai waitũ tene na tene,
akatũtongoeasya ĩvindanĩ yonthe yĩla yũkĩte.”
Currently Selected:
Sav 48: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
