Sav 47
47
Ngai nĩ Mũsumbĩ wa Nthĩ Yonthe
Kwa mwinĩthya: Savulĩ ĩno yaandĩkiwe nĩ nzyawa sya Kola
1Andũ onthe kũnai moko!
Inĩai Ngai na wasya mũnene wa ũtanu!
2Mwĩai Ngai, Ngai Ũla wĩ Ĩũlũ Mũno nĩ wa kũkĩwa,
nĩwe mũsumbĩ mũnene wa nthĩ yonthe.
3Nĩwatumie tũsinda andũ,
na atuma tũsumbĩka nthĩ ingĩ.
4Nĩwatũnyuvĩie ng'undũ yitũ,
ũtiĩwa wa kwĩkathĩĩa wa andũ make ala wendete.
Sela
5Ngai nĩwambataa ĩũlũ na wasya wa ũtanu,
Mwĩai Ngai ambataa ĩtunĩ soo ũvuvĩtwe.
6Mũtaĩe Ngai na mbathi, mwinĩei;
mũtaĩei mũsumbĩ waitũ na mbathi, mwinĩei.
7Inĩai Ngai mbathi sya kũmũtaĩa,
nũndũ nĩ Mũsumbĩ wa nthĩ yonthe.
8Ngai nũsumbĩkaa mbaĩ syonthe;
Ngai nĩwĩkalaa kĩvĩlanĩ kyake kĩtheu kya kĩ-ũsumbĩ.
9Asumbĩ ma nthĩ nĩmombanaa vamwe,
ta andũ ma Ngai wa Avalaamu.
Nũndũ asumbĩ onthe ĩũlũ wa nthĩ me ungu wa Ngai;
nũnenevetw'e mũno.
Currently Selected:
Sav 47: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
