Sav 43
43
Kwĩkwatya Ngai
1Ame Ngai onany'a kana ndi na ĩvĩtyo;
ndetee kuma kwa ala matesĩ Ngai;
mbonokye kuma kwa akengani na andũ athũku!
2Nũndũ nue Ngai wĩvitho wakwa,
ũndekete nĩkĩ?
Nĩthi ngĩĩa nĩkĩ,
nũndũ wa kũthĩnw'a nĩ mũmaitha?
3Ete kyeni kyaku na ũw'o waku,
nĩ kana indongoesye,
na kũndũnga Saioni kĩĩmanĩ kyaku kĩtheu na Ĩkalũnĩ yaku vala ũtũaa.
4Nĩvo ĩndĩ ngathi kĩthembeonĩ kya Ngai,
Ngai ũla nĩwe ũtanu wakwa mũnene.
Ngakũtaĩa na ngitaa,
We Ngai, Ngai wakwa.
5Nĩthĩnĩka mũno ũu thayũnĩ nĩkĩ?
Nĩ kyaũ kĩtumi nĩ na mathĩna?
Nĩĩkwatya Ngai na ngĩmũtaĩa ĩngĩ,
Mũtangĩĩi wakwa na Ngai wakwa.
Currently Selected:
Sav 43: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
