Sav 42
42
Kwĩkwatya Ngai
Kwa mwinĩthya: Savulĩ ĩno yaandĩkiwe nĩ nzyawa sya Kola
1O tondũ ndaatai ĩthĩnĩkaa ĩimantha tũlũsĩ twa kĩw'ũ,
now'o thayũ wakwa ũthĩnĩkaa ngĩũmantha we Ngai.
2Ngoo yakwa yĩna waũni wa Ngai, Ngai ũla wĩ thayũ,
ngavika kwake ĩndĩĩ na kũkomana nake?
3Nĩngũĩa ũtukũ na mũthenya,
na methoi nĩmatw'ĩkĩte lĩu wakwa;
kĩla ĩvinda amaitha makwa mengũlya,
“Ngai waku aĩva?”
4Nĩnĩkusaa ngoo nalilikana maũndũ aa:
Ũndũ naendanisye na nguthu nene ya andũ,
nĩmatongoesye kũthi nyũmbanĩ ya Ngai,
twĩ na mawasya ma ũtanu na twinĩte mbathi sya kũtũnga mũvea;
nguthu nene ya andũ matanĩaa mboka.
5Nĩthĩnĩka mũno ũu thayũnĩ nĩkĩ?
Nĩ kyaũ kĩtumi nĩ na mathĩna?
Nĩĩkwatya Ngai na nĩngũmũtaĩa ĩngĩ,
Mũtangĩĩi wakwa,
6na Ngai wakwa.
Nĩna thĩna mwingĩ mũno thayũnĩ wakwa,
kwoou nĩngũũlilikana we Ngai wakwa;
kuma kĩsionĩ kya Ũsĩ wa Yolotani
kuma Kĩĩmanĩ kya Elimoni na Kĩĩma kya Misali.
7Nĩndulũĩlwe kĩw'ũ kya mbua mbingĩ;
kĩw'ũ kya mbua mbingĩ nĩkĩnthengee,
nakyo kĩendee kũomboa kũndũ kũngĩ,
itulumo syaku na itulumo ingĩ nene,
syĩvĩtĩla ĩũlũ wakwa.
8Mũthenya Mwĩai Ngai akambonasya wendo wake ũtaolekaa,
ũtukũ ngamwinĩaa wathi wake,
ngĩvoya Ngai ũla ũnengae thayũ.
9Ninĩaa Ngai mũsũvĩi wakwa ndyasya:
“Wũlĩtwe ninyie nĩkĩ?
Nĩthi ngĩĩa nĩkĩ nũndũ wa kũthĩnw'a nĩ mũmaitha?”
10Amaitha makwa nĩmekũnthĩny'a,
ta kĩtau kĩthũku kĩ mwĩĩnĩ wakwa.
Yĩla meũngũlya kĩla mũthenya,
“Ngai waku aĩva?”
11Nĩthĩnĩka mũno ũu thayũnĩ nĩkĩ?
Nĩ kyaũ kĩtumi nĩ na mathĩna?
Nĩĩkwatya Ngai na nĩngũmũtaĩa ĩngĩ,
Mũtangĩĩi wakwa, na Ngai wakwa.
Currently Selected:
Sav 42: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
