Sav 36
36
Ũthũku wa Andũ na Ũseo wa Ngai
Kwa mwinĩthya: Savulĩ ĩno yaandĩkiwe nĩ Ndeviti mũthũkũmi wa Mwĩai Ngai
1 #
Alo 3.18
Naĩ nĩneenaa na mũndũ mũthũku ngoonĩ yake;
ndethĩawa na kĩkĩo kya Ngai.
2Nũndũ ekengaa we mwene,
kana Ngai ndemanya ũthũku wake na kũmũsilĩla.
3Ũneeni wake nĩ mũthũku na wusũĩte ũvũngũ;
nũekete kwĩthĩwa na ũĩ na akaeka kwĩka ũla ũseo.
4O na akomete avangaa mĩvango mĩthũku;
elikasya maũndũnĩ mate maseo,
na ndesaa kũlea ũndũ o na wĩva mũthũku.
5Ame Mwĩai Ngai, wendo waku ũtaolekaa ũendete nginya ĩtunĩ;
ũĩkĩĩku waku ũvikĩte matunĩ.
6Ũlũngalu waku ũtũlĩte ta iĩma;
ũsili waku wa katĩ nĩ ta syũngũ sya ũkanga.
We Mwĩai Ngai, nũsũvĩaa andũ na nyamũ.
7We Ngai wendo waku ũtaolekaa wĩ vata mũno!
Andũ onthe nĩmevithaa ungu wa muunyĩ wa nthwau syaku.
8Andũ maku nĩmaĩsaa lĩu mwingĩ ũla ũmanengae;
nũmanengae kyaũnyw'a kuma ũsĩnĩ wa ũseo waku.
9Nũndũ nue wumo wa thayũ;
kuma kyeninĩ kyaku nĩtwonaa kyeni.
10Endeea kwenda na wendo waku ũtaolekaa andũ ala makwĩsĩ,
na kwĩka ala alũngalu nesa.
11Ndũkaeke ala mekathĩĩaa mambithũkĩe,
kana andũ athũku mandũngye.
12Kwa sisya vala andũ athũku mavalũkĩte,
nĩmakimanĩtw'e nthĩ na maitonya kũkĩla.
Currently Selected:
Sav 36: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
