Sav 32
32
Kumbũla Naĩ na Kũekewa
Savulĩ ĩno yaandĩkiwe nĩ Ndeviti
1 #
Alo 4.7-8
Nĩ mũathime mũndũ ũla ũekewe ĩvĩtyo yake,
ũla ũekewe naĩ yake.
2Nĩ mũathime mũndũ ũla ũtatalĩlawa ũthũku nĩ Mwĩai Ngai,
na thayũnĩ wake vai ũvũngũ.
3Ndanamba kumbũla naĩ yakwa,
mavĩndĩ makwa maĩ monzu,
nũndũ naĩaa mũthenya w'onthe.
4Ũtukũ na mũthenya we Mwĩai Ngai nĩwanganisye;
vinya wakwa nĩwathelile ũndũ kĩw'ũ kĩng'alaa ĩvindanĩ ya thano.
Sela
5Nĩvo ĩndĩ nakumbũlĩle naĩ syakwa,
na ndyaavitha ũthũku wakwa.
Nĩnaneenie nasya atĩĩ, “Nĩngumbũlĩla Mwĩai Ngai mavĩtyo makwa,”
naku wandekea ũthũku wa naĩ yakwa.
Sela
6Kwoou eka andũ onthe ala makũĩkĩĩa makũvoye yĩla ũtonya kwoneka.
Kwa w'o yĩla kĩw'ũ kingĩ kya mathĩna kĩũkĩla kĩikamavikĩa.
7Nue wĩvitho wakwa;
ũkanzũvĩa ndikalike thĩnanĩ,
na kũnthyũlũlũkĩlya mbathi sya ala matanĩaa kũvonoka kwakwa.
Sela
8Mwĩai Ngai easya atĩĩ, “Ngakũmanyĩsya na kũkwony'a nzĩa ĩla waĩlĩte kũatĩĩa,
ngakũtaa na ũkũsũvĩa.
9Ndũkethĩwe ũilyĩ ta mbalasi kana nyũmbũ, ila ite na ũmanyi,
na kwoou no nginya syĩkĩwe itang'a sya kanyw'a,
na ĩkanda ya kwitongoesya nĩ kana iũthengee.”
10Ala athũku no nginya mathĩne,
ĩndĩ ala mekwatasya Mwĩai Ngai,
nĩmasũvĩawa nĩ wendo wake ũtaolekaa
11Inyw'ĩ andũ alũngalu tanai nthĩnĩ wa Mwĩai Ngai na kwĩw'a mũyo,
inyw'ĩ ala mwĩ na ũlũngalu wa ngoo ũkĩlyai mawasya ma ũtanu.
Currently Selected:
Sav 32: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
