Sav 31
31
Mboya Ĩvindanĩ ya Thĩna Mũnene
Kwa mwinĩthya: Savulĩ ĩno yaandĩkiwe nĩ Ndeviti
1 #
Lk 23.46
Ame Mwĩai Ngai, nĩvithaa vala ũĩ;
ndũkaandeke nĩsonokw'e o na ĩndĩĩ;
mbonokye nũndũ wa ũlũngalu waku.
2Tea kũtũ kwaku ũmbĩthukĩĩsye!
Ũka mĩtũkĩ ũmbonokye!
Tw'ĩka ĩvia yakwa ya kwĩvitha,
vandũ valũmu va kũndangĩĩa.
3Nue ĩvia yakwa na vandũ valũmu va kwĩvitha.
Kwondũ wa ĩsyĩtwa yaku mbony'e nzĩa na ũindongoesya.
4Mbumye mũteonĩ ũla nĩteetwe naw'o,
nũndũ nue wĩvitho wakwa.
5Thayũ wakwa nĩngũwia mokonĩ maku;
ame Mwĩai Ngai, Ngai mũĩkĩĩku mbonokye,
6Nũmenete #31.6 Nũmenete: Maandĩko amwe ma Ndeto ya Ngai maĩtye Nĩnĩmenete ala mathaithaa ngai sya mĩvw'anano sya mana,
ĩndĩ nyie nĩkwatasya Mwĩai Ngai.
7Ngatana na kwĩw'a mũyo nũndũ wa wendo waku ũtaolekaa,
nũndũ nĩwonete thĩna wakwa;
nĩwamanyie mathĩna ma ngoo yakwa.
8Ndwaaeka amaitha makwa mangwate,
nũnengete ũthasyo wa kũthi vala ngwenda.
9Ame Mwĩai Ngai mbĩw'ĩe tei nũndũ nĩ thĩnanĩ;
metho makwa nĩmanoete nũndũ wa kũĩa mũno,
ĩĩ, o na ngoo yakwa na mwĩĩ wakwa ninoete.
10Thayũ wakwa w'onthe wĩthĩĩtwe wĩ wa kyeva,
na myaka yakwa yonthe yusũĩte kũluma.
Vinya wakwa nũthelete nũndũ wa mathĩna makwa,
na mavĩndĩ makwa nĩmekwonza.
11Ndw'ĩkĩte kĩndũ kya kũvũthw'a nĩ amaitha makwa onthe;
kĩndũ kya kũthekeewa nĩ atũi makwa.
Anyanyawa nĩmangĩaa,
na ala mambonaa nzĩanĩ nĩmasembaa makangĩa.
12Nĩmoolilwe ninyie ta nakwie;
nĩilyĩ ta mbisũ ngw'ũ.
13Nĩĩw'a andũ aingĩ maineenea,
nĩtelemw'a ngalĩko syonthe;
membangĩa mũvango mũthũku,
mevanga mũvango wa kũmbũaa.
14Ĩndĩ we Mwĩai Ngai nue nĩkwatĩtye,
naasya, “Nue Ngai wakwa.”
15Nĩthĩawa ũsũvĩonĩ waku kĩla ĩvinda;
mbonokye kuma ũtonyinĩ wa amaitha makwa,
kuma kwa ala manthĩnasya.
16Nzisye na tei nyie mũthũkũmi waku,
ndangĩĩe na wendo waku ũtaolekaa.
17Ame Mwĩai Ngai ndũkandeke nĩsonokw'e,
nũndũ nĩngwĩkaĩlĩte.
Ala athũku nĩmasonokw'e,
nĩmathi makakilĩlye vala maveva ma ala akw'ũ mekalaa.
18Vindĩthya akengani asu,
nũndũ me na mĩkathĩĩo na kĩvũthya,
nĩmaneeneaa ala alũngalu naĩ.
19Asi! Ũseo waku nĩ mwingĩ,
ũla wiĩe ala maũkĩaa,
ũla ũnengae ala mevithaa nthĩnĩ waku,
andũ onthe mene.
20Nũmavithaa vandũ vaseo vala ũĩ,
vaasa na mĩvango ya andũ athũku.
Nũmekalasya ũsũvĩonĩ wĩkalonĩ waku,
vaasa na ala mamasikataa.
21Mwĩai Ngai nĩataĩwe,
nũndũ nĩwambonetye wendo wake ũtaolekaa,
yĩla nathyũlũlũkĩtwe ta ndũa mbithũkĩe.
22Nĩtelemete nĩnaneenie nasya atĩĩ,
“Nĩmũlũngye kuma vala ũĩ!”
Ĩndĩ ũu wĩ o vo, nĩweewie kĩĩo kyakwa kya kwĩsũvana,
yĩla nakwĩkaĩlile ũndetheesye.
23Mwendei Mwĩai Ngai inyw'ĩ atheu make,
Mwĩai Ngai nũsũvĩaa aĩkĩĩi,
na aikany'a mũno ala mekathĩĩaa.
24Ĩthĩwai na vinya na mũyĩthĩwa na ũkũmbaũ,
inyw'onthe ala mwĩkwatasya Mwĩai Ngai.
Currently Selected:
Sav 31: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
