Sav 29
29
Ũtonyi Mũnene wa Wasya wa Mwĩai Ngai
Savulĩ ĩno yaandĩkiwe nĩ Ndeviti
1 #
Sav 96.7-9
Inyw'ĩ syũmbe sya ĩtunĩ mũtaĩei Mwĩai Ngai,
taĩai ũnene na ũkumyo wake.
2Nengai Mwĩai Ngai ũkumyo ũla waĩlĩte ĩsyĩtwa yake;
thaithai Mwĩai Ngai e vandũnĩ vake vatheu.
3Wasya wa Mwĩai Ngai nĩwĩw'ĩkaa kĩw'ũnĩ ĩũlũ,
Ngai wa ũkumyo nũtundumaa,
Mwĩai Ngai nũtundumaa ĩũlũ wa kĩw'ũ kingĩ.
4Wasya wa Mwĩai Ngai wĩ vinya,
wasya wa Mwĩai Ngai wusũĩte ũtonyi.
5Wasya wa Mwĩai Ngai nũvalũkasya mĩtĩ ya mĩkũũ;
Mwĩai Ngai nũtũlangaa mĩkũũ ya Levanoni.
6Nũtumaa iĩma sya Levanoni itũva ta tũsaũ,
na kũtuma iĩma sya Silioni itũva ta tũsaũ twa mboo.
7Wasya wa Mwĩai Ngai nĩwumasya kyeni kya ũtisi.
8Wasya wa Mwĩai Ngai nũthingithangasya weũ,
Mwĩai Ngai nũthingithangasya weũ wa Katesi.
9Wasya wa Mwĩai Ngai nũthingithangasya mũtĩ wa mwalonĩ #29.9 nũthingithangasya mũtĩ wa mwalonĩ: Kana nũtumaa ndaatai ĩsyaa
nũtumaa mũtitũ wĩtĩkya matũ,
na Ĩkalũnĩ yake andũ onthe mayasya, “Ũkumyo kwa Ngai!”
10Mwĩai Ngai ekalaa asumbĩkĩte kĩw'ũnĩ kingĩ;
Mwĩai Ngai ekalaa ta mũsumbĩ tene na tene.
11Mwĩai Ngai nĩanenge andũ make vinya!
Mwĩai Ngai nĩaathime andũ make na mũuo!
Currently Selected:
Sav 29: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
