Sav 26
26
Mboya ya Mũndũ ũte Ĩvĩtyo
Savulĩ ĩno yaandĩkiwe nĩ Ndeviti
1Ame Mwĩai Ngai onany'a kana ndi na ĩvĩtyo,
nũndũ nditũlwa mũtĩ nĩ mũndũ,
na nĩkwĩkwatĩtye ndekũthingitha.
2Ame Mwĩai Ngai ndate na ũinthima;
ĩkuũe ngoo yakwa na kĩlĩko kyakwa.
3Nũndũ ndongoeaw'a nĩ wendo waku ũtaolekaa,
na nĩkalaa ũĩkĩĩkunĩ waku kĩla ĩvinda.
4Nditindanasya na andũ me ũvũngũ,
o na ndi ngwatanĩo na akengani.
5Nĩnĩmenete kĩtindo kya eki ma naĩ,
na ndyĩkalanasya na andũ athũku.
6Ame Mwĩai Ngai nĩthamba moko makwa,
nonany'e kana ndi na ĩvĩtyo.
Nĩĩlingĩla kĩthembeo kyaku ngĩthaitha,
7na kwina wathi wa kũtũnga mũvea,
na kũtavany'a meko maku onthe ma kũseng'ya.
8Ame Mwĩai Ngai nĩnendete nyũmba yaku ĩla wĩkalaa,
vandũ vala ũkumyo waku wĩkalaa.
9Ndũkaminanĩsye vamwe na eki ma naĩ,
o na ndũkaeke nĩkw'e ũndũ oaani makusaa,
10andũ ala mekaa naĩ kĩla ĩvinda,
andũ mausũĩtwe nĩ kwenda kwosa ĩtuvi ya wendeesyo.
11Ĩndĩ nyie nditũlwa mũtĩ nĩ mũndũ,
mbovosye na ũimbĩw'ĩa tei.
12Nyie nĩũngyĩ vandũ vate mũisyo;
ngamũtaĩa Mwĩai Ngai wũmbanonĩ mũnene.
Currently Selected:
Sav 26: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
