Sav 21
21
Kũtũnga Mũvea nũndũ wa Ũsindi
Kwa mwinĩthya: Savulĩ ĩno yaandĩkiwe nĩ Ndeviti
1Mũsumbĩ nũkũtana nũndũ we Mwĩai Ngai nũmũnengae vinya,
na nũkũtana mũno nũndũ wa ũtethyo waku.
2Nĩwĩanĩĩtye wendi wa ngoo yake,
na nũsũngĩĩte mboya syake.
Sela
3Nĩwamũthokisye na moathimo ma ũthwii,
na wamwĩkĩa ngovia ya kĩ-ũsumbĩ ya thaavu mũseo mũno.
4Nĩwakũvoyie ũmũnenge thayũ na wamũnenga w'o;
wamũnengie thayũ mũasa ũtakathela.
5Ũkumyo wake nĩ mũnene nũndũ wa ũtethyo waku;
nũmũnengete ndaĩa na ũnene.
6Kwa w'o nũmũnengete moathimo ma tene na tene,
na ũkatuma atana nũndũ wa kwĩthĩwa wĩ vamwe nake.
7Nĩkwĩthĩwa mũsumbĩ ekwatasya Mwĩai Ngai,
na kwondũ wa wendo ũtaolekaa wa Ũla wĩ Ĩũlũ Mũno,
mũsumbĩ ndakathingithw'a.
8Mũsumbĩ akakwata amaitha make onthe na kw'oko kwake;
akakwata ala mamũmenaa na kw'oko kwake kwa aũme.
9Yĩla mũsumbĩ wĩumĩla,
akamamina ta mwaki wakananĩte.
Mwĩai Ngai akamamina ũthatunĩ wake,
na mwaki wake ũkamavĩvya vyũ.
10Vai ũmwe wa nzyawa syoo ũkatiala,
mũsumbĩ akamoaa onthe.
11O na kau nĩmakũseũvĩasya mĩvango mĩthũku na makakũsũanĩĩa naĩ,
mĩvango yoo ndĩkeanĩa.
12Akamaatha na maangi,
na aituma masemba makĩe.
13We Mwĩai Ngai nĩtũũkũtaĩa,
nũndũ wa vinya waku mwingĩ!
Nĩtũkwina na kũkumya ũtonyi waku.
Currently Selected:
Sav 21: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
