Sav 20
20
Mboya ya Kũkũlya Ũsindi Kaũnĩ
Kwa mwinĩthya: Savulĩ ĩno yaandĩkiwe nĩ Ndeviti
1Mwĩai Ngai nĩakũsũngĩae yĩla wĩ thĩnanĩ!
Ngai wa Yakovo nĩakũsũvĩe!
2Nĩakũtũmĩe ũtethyo kuma Ĩkalũnĩ yake,
na kũkwĩkĩa vinya kuma Kĩĩmanĩ kya Saioni.
3Mwĩai Ngai nĩetĩkĩle nthembo syaku syonthe,
na ayĩtĩkĩla nthembo syaku sya kũvĩvw'a!
Sela
4Nĩakũnenge kĩla ngoo yaku ĩkwenda,
na ayĩanĩsya mĩvango yaku yonthe.
5Nĩvo ĩndĩ twĩũkĩlya mawasya ma ũtanu nũndũ wa ũsindi waku,
na tũyũkĩlya ivevelo sitũ ĩsyĩtwanĩ ya Ngai waitũ!
Mwĩai Ngai nĩeanĩsye mboya syaku syonthe.
6Yu nĩnamanya kana Mwĩai Ngai nũtangĩĩaa mwĩtĩkĩw'a mauta wake;
nũmũsũngĩaa e ĩtunĩ yake ĩtheu,
kwa ũtonyi wake nũmũnengae ũsindi mũnene.
7Andũ amwe mekwatasya makasya ma kaũ, na angĩ mbalasi,
ĩndĩ ithyĩ twĩkwatasya Mwĩai Ngai, Ngai waitũ.
8Andũ asu makaluluutĩkaa na kũvalũka,
ĩndĩ ithyĩ tũkookĩlaa na kũũngama na ũlũmu.
9Ame Mwĩai Ngai, tangĩĩa mũsumbĩ;
tũsũngĩae#20.9 tũsũngĩae: Maandĩko amwe ma Ndeto ya Ngai nĩmo maĩtye ũu. Kĩthyomo kya Kĩevelania kyaĩtye akasũngĩa yĩla twakwĩkaĩla.
Currently Selected:
Sav 20: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
