Sav 150
150
Taĩai Mwĩai Ngai
1Mũtaĩei Mwĩai Ngai!
Mũtaĩei Mwĩai Ngai Ĩkalũnĩ yake!
Mũtaĩei ĩtunĩ yake ĩnene!
2Mũtaĩei nũndũ wa meko make manene,
mũtaĩei kwĩanana na ũnene wake mũnene.
3Mũtaĩei na wasya wa soo,
mũtaĩei na syĩndũ sya kũvuva na ngitaa nene!
4Mũtaĩei na ndambulĩnĩ na kũsũnga,
mũtaĩei na syĩndũ sya mbathi syĩ ndii na mũtũlilũ.
5Mũtaĩei kwa kũkũna tũmasaya,
mũtaĩei na tũmasaya twĩ na wasya mũnene.
6Syũmbe syonthe ila syĩ thayũ nitaĩe Mwĩai Ngai!
Mũtaĩei Mwĩai Ngai.
Currently Selected:
Sav 150: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
