Sav 149
149
Wathi wa Ũsindi
1Mũtaĩei Mwĩai Ngai.
Inĩai Mwĩai Ngai wathi mweũ,
mũtaĩei wũmbanonĩ wa ala aĩkĩĩku!
2We Ĩsilaeli tanĩa Mũmbi waku,
andũ ma Saioni ĩw'ai mũyo nũndũ wa mũsumbĩ wenyu!
3Taĩai ĩsyĩtwa yake mũsũngĩte;
kũnai ndambulĩnĩ na ngitaa mũkĩmũtaĩa.
4Nũndũ Mwĩai Ngai nũtanaw'a nĩ andũ make;
nũnengae ala auu ũsindi.
5Ala aĩkĩĩku nĩmatanĩe ndaĩa ĩsu,
na kwina na ũtanu me mokomonĩ moo.
6Nĩmataĩe Ngai na wasya mũnene,
makwete mbyũ mbũĩ ngalĩko syelĩ,
7meyĩĩvanĩsye kwa mbaĩ ingĩ,
na kũkany'a andũ.
8Move asumbĩ ma andũ asu na nyololo,
na atongoi moo na mbĩngũ sya kyũma;
9makany'e andũ ma nthĩ ingĩ ũndũ Ngai wĩaĩte.
Ĩsu nĩ ndaĩa ya andũ onthe ala aĩkĩĩku ma Ngai.
Mũtaĩei Mwĩai Ngai!
Currently Selected:
Sav 149: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
