Nth Ũelesyo wa Ĩvuku Yĩĩ
Ũelesyo wa Ĩvuku Yĩĩ
Ĩvuku ya Nthimo nĩ yĩmwe katĩ wa mavuku ma Ũtianĩo Mũkũũ ala maandĩkĩtwe ndeto sya ũĩ. Ĩvuku yĩĩ nĩ momanyĩsyo mombany'e ma kũmanyĩsya andũ ĩũlũ wa ũndũ maĩlĩte kwĩkala, na ũndũ maĩlĩte kũthaitha. Momanyĩsyo asu maandĩkĩtwe kwa nzĩa ya nthimo na ndeto sya ũĩ.
Nthimo ii syaumanie na andũ ala maseũvasya mbathi ma mavinda me kĩvathũkany'o; imwe syaumanie na kĩthĩo kya andũ ma Ĩsilaeli, na ingĩ syaĩ sya Solomoni ũla weesĩkĩe kwĩthĩwa e mũndũ mũĩ mũno.
O ta ũu nthimo isu syĩtwony'a ũseo wa mũndũ kwĩthĩwa na ũĩ, ĩndĩ ũĩ ũla mũnene nĩ ũla wumanaa na mũndũ kwĩthĩwa e na kĩkĩo kya Ngai. Kĩu nĩkyo kĩtumi ĩvuku yĩĩ yambĩĩe na kũtũlilikany'a kana, “Kũmũkĩa Mwĩai Ngai nĩw'o wambĩlĩĩlyo wa kwĩthĩwa na ũmanyi” (1.7), na ĩndĩ yĩiendeea kũneena ĩũlũ wa maũndũ ma ũthaithi na mwĩkalo ũla waĩlĩte. Ndeto mbingĩ nguvĩ sya ũĩ ila syĩ ĩvukunĩ yĩĩ syĩonany'a ũĩ wa amanyĩsya ma tene ma Ĩsilaeli, ĩũlũ wa ũndũ mũndũ mũĩ ũtonya kwĩka maũndũ me kĩvathũkany'o. Maũndũ amwe nĩ ĩũlũ wa mĩsyĩ, ũtandĩthyo, ũndũ andũ maĩlĩte kwĩkalany'a, wĩting'o, ũuu, wũmĩĩsyo, kũnenga ngya ndaĩa na kwĩthĩwa mũndũ e mũĩkĩĩku kwa anyanyae.
Maũndũ Ala me Ĩvukunĩ yĩĩ
Ũĩ ũikathĩĩwa 1.1—9.18
Nthimo sya Solomoni 10.1—29.27
Ndeto sya ũĩ sya Akuli 30.1-33
Ndeto syĩ kĩvathũkany'o sya ũĩ 31.1-31
Currently Selected:
Nth Ũelesyo wa Ĩvuku Yĩĩ: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011