Sav 148
148
Syũmbe Syonthe Nitaĩe Mwĩai Ngai
1Mũtaĩei Mwĩai Ngai!
Mũtaĩei Mwĩai Ngai kuma ĩtunĩ,
mũtaĩei kuma kũu ĩũlũ mũno.
2Mũtaĩei inyw'ĩ alaĩka make onthe,
mũtaĩei inyw'ĩ nguthu yake yonthe ya ĩtunĩ.
3Mũtaĩei syũa na mwei,
mũtaĩei inyw'onthe ndata syĩ kyeni!
4Mũtaĩei inyw'ĩ matu me ĩũlũ mũno,
na kĩw'ũ kĩla kĩ ĩũlũ wa ĩtu.
5Syonthe nĩtaĩe ĩsyĩtwa ya Mwĩai Ngai,
nũndũ nĩweeaie na syoombĩka.
6Nĩwasiie vandũnĩ vasyo tene na tene,
kwa kumya ũtw'ĩo ũtakavĩta.
7Mũtaĩei Mwĩai Ngai kũũ nthĩ,
inyw'ĩ syũmbe nene sya ũkanganĩ o na kũndũ kũliku.
8Mũtaĩei inyw'ĩ mwaki na mbua, ĩa na mũumbĩ,
na kĩseve kĩnene kĩla kĩanĩasya mwĩao wake.
9Mũtaĩei inyw'ĩ iĩma na tũlĩma tw'onthe;
mĩtĩ ya matunda na mĩkũũ yonthe!
10Mũtaĩei inyw'ĩ nyamũ sya kĩthekanĩ na indo syonthe;
nyamũ ila itambũkaa na nyũnyi ila ĩũlũkaa.
11Mũtaĩei inyw'ĩ asumbĩ ma nthĩ na andũ onthe,
inyw'ĩ atongoi na asumbĩki onthe ma nthĩ;
12anake na eĩtu,
andũ akũũ o na syana.
13Onthe nĩmataĩe ĩsyĩtwa ya Mwĩai Ngai,
nũndũ ĩsyĩtwa yake nĩ ĩnene kwĩ masyĩtwa onthe;
ũkumyo wake wĩ ĩũlũ wa nthĩ na ĩtu.
14Nĩwatumie andũ ma nthĩ yake methĩwa na vinya,
nĩ kana atheu make onthe mamũtaĩe,
andũ ma Ĩsilaeli ala wendete mũno.
Nĩataĩwe Mwĩai Ngai!
Currently Selected:
Sav 148: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
