Sav 147
147
Kũtaĩa Ngai Mwene Ũtonyi W'onthe
1Mũtaĩei Mwĩai Ngai!
Nĩ ũseo kũtaĩa Ngai waitũ,
nũndũ nĩ mũseo na wathi wa kũmũtaĩa nĩwaĩlĩte.
2Mwĩai Ngai nĩwakaa Yelũsalemu;
nĩwũmbanasya andũ ma Ĩsilaeli ala me ũeninĩ.
3Nũvoasya ala akw'ũ ngoo,
na kwova kũla maũmĩĩtw'e.
4Nũtalaa ndata ũndũ syĩana,
nĩwĩtaa kĩla ĩmwe na ĩsyĩtwa ya yo.
5Mwĩai Ngai waitũ nĩ mũnene na e vinya mwingĩ,
ũmanyi wake ndũthimĩka.
6Mwĩai Ngai nĩwũkĩlasya ala avinyĩĩe,
ĩndĩ nũvalũkasya nthĩ ala athũku.
7Inĩai Mwĩai Ngai mbathi sya kũtũnga mũvea;
inĩai Ngai waitũ mbathi mũkũnĩte ngitaa nini!
8Nũvw'ĩkaa yayaya na mathweo,
nũeteae nthĩ mbua,
nũtumaa nyeki ĩmea iĩmanĩ.
9Nũnengae nyamũ lĩu wasyo,
na kũĩthya tũswii twa ngũngũũ yĩla twakaya.
10Ndatanaw'a nĩ vinya wa mbalasi,
o na ndew'ĩthaw'a mũyo nĩ ũkũmbaũ wa asikalĩ.
11Ĩndĩ nũtanĩthaw'a nĩ ala me na kĩkĩo kyake,
ala mekwatasya wendo wake ũtaolekaa.
12We Yelũsalemu taĩa Mwĩai Ngai!
We Saioni taĩa Ngai waku!
13Nũndũ nĩwĩkalasya mĩvĩa yaku yĩ mĩlũmu;
nũathimaa andũ ala me nthĩnĩ waku.
14Nũtumaa mũuo wĩthĩwa mĩvakanĩ yaku;
nũkũvũnĩthasya na nganũ ĩla nzeo.
15Nũnenganae mwĩao wake ĩũlũ wa nthĩ,
na kĩla waweta kĩyĩkwa mĩtũkĩ.
16Nũnyaĩĩkasya ĩa ta w'ĩa wa malondu,
na kũnyaĩĩkya ĩmwe ta mũu.
17Nũetae mbua yake ya mavia ta kĩthangathĩ;
vai mũndũ ũtonya kwĩyũmĩĩsya mbevo ĩla ũetae.
18Nũneenaa ndeto na ĩa yĩinyaĩĩka;
nũetae kĩseve na kĩw'ũ kĩivĩta.
19Nũnengae Yakovo ndeto yake,
na Ĩsilaeli motw'ĩo na myamũlo yake.
20Ndaaĩka nthĩ ĩngĩ o na yĩva ũu;
nthĩ ingĩ iyĩsĩ myamũlo yake.
Mũtaĩei Mwĩai Ngai!
Currently Selected:
Sav 147: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
