Sav 142
142
Mboya ya Mũndũ Ũtiĩtwe e weka
Savulĩ ĩno yaandĩkiwe nĩ Ndeviti yĩla waĩ ngunganĩ.
1 #
1Sam 22.1; 24.3 Nĩnĩkaĩlaa Mwĩai Ngai na wasya wakwa;
nĩnĩsũvaa Mwĩai Ngai na wasya wakwa.
2Nĩnĩetae kũnyungunyĩsya kwakwa mbee wake;
nĩnĩwetaa mathĩna makwa mbee wake.
3Yĩla nambĩĩa kũkw'a ngoo,
nĩ we wĩĩthĩawa esĩ ũndũ naĩlĩte kwĩka.
Nzĩanĩ ila nĩsĩlaa,
amaitha nĩmavithĩte kĩtei vo nĩkwatw'e.
4Nasisya ngalĩko ya kw'oko kwa aũme na kweteela,
ndikwona mũndũ ũtonya kũndethya,
nĩnaĩwe nĩ wĩvitho;
vai mũndũ ũtonya kũnzũvĩa.
5Ame Mwĩai Ngai nĩngũkwĩkaĩla.
Nĩngwasya, “Nue wĩvitho wakwa,
nue wĩ weka ngwenda ĩũlũ wa nthĩ.”
6Ĩthukĩĩsye kĩĩo kyakwa,
nũndũ nĩnĩlikĩte thĩnanĩ!
Mbonokye kuma kwa ala manthĩnasya,
nũndũ me na vinya mbee wakwa.
7Nthasye kuma kyovonĩ kyakwa,
nĩ kana nĩtaĩe ĩsyĩtwa yaku!
Nĩvo ĩndĩ ala alũngalu meũmbana manthyũlũlũkĩte,
nĩkwĩthĩwa wĩthĩĩtwe wĩ mũseo kwakwa.
Currently Selected:
Sav 142: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
