Sav 141
141
Mboya ya Ĩa Mawĩoo
Savulĩ ĩno yaandĩkiwe nĩ Ndeviti.
1Ame Mwĩai Ngai nĩngũkwĩkaĩla; ĩkalaate ũndetheesye!
Ĩthukĩĩsye wasya wakwa yĩla ngũkwĩkaĩla.
2 #
Ũvu 5.8
Eka mboya yakwa yĩthĩwe ĩilyĩ ta nthembo ya ũvani mbee waku,
na kũkĩlya moko makwa kũyĩthĩwa kũilyĩ ta nthembo ya ĩa mawĩoo.
3Ame Mwĩai Ngai ia mũsũvĩi kanyw'anĩ wakwa,
syaĩĩsya ilomo sya kanyw'a wakwa.
4Ndũkaeke ngoo yakwa yelekele ũndũnĩ mũthũku o na wĩva,
nĩke maũndũ mathũku na andũ ala mekaa ũthũku,
na ndũkandeke nĩye mbokanĩ syoo.
5Eka mũndũ mũseo angũne kana angany'e kwa ũseo,
ĩndĩ ndikaaĩtĩkĩla ndaĩa kuma kwa andũ athũku.
Nũndũ kĩla ĩvinda nĩvoyaa ĩũlũ wa meko moo mathũku.
6Atongoi moo makekw'a kuma movainĩ matũlu,
na andũ athũku makeetĩkĩla kana ndeto syakwa syaĩ sya w'o.
7O tondũ ĩvia yatũawa na kũnyaĩĩkw'a nthĩ,
no w'o mavĩndĩ moo makanyaĩĩkĩw'a ũtee wa mbũa.
8Ĩndĩ metho makwa nue masyaĩtye we Mwĩai Ngai, Ngai wakwa;
nĩmanthaa wĩvitho kwaku, ndũkandeke mũisyonĩ.
9Nzũvĩe kuma mĩteonĩ ĩla mandeete nayo,
kuma iteinĩ sya eki asu ma naĩ.
10Ala athũku nĩmakwatw'e nĩ mĩteo yoo ene,
nakwa ngĩvĩtũka nĩ ũsũvĩonĩ.
Currently Selected:
Sav 141: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
