Sav 140
140
Mboya ya Kũkũlya Ũsũvĩo
Kwa mwinĩthya: Savulĩ ĩno yaandĩkiwe nĩ Ndeviti.
1Ame Mwĩai Ngai mbonokye kuma kwa andũ athũku,
nzũvĩe kuma kwa ala ang'endu.
2Kĩla ĩvinda ngoo syoo ivangaa ũla ũthũku,
na kũmantha ithokoo kĩla ĩvinda.
3 #
Alo 3.13
Nĩmĩ syoo iilyĩ ta sya nzoka nthũku;
ndeto syoo iilyĩ ta sumu wa nzoka ya kĩko.
Sela
4Ame Mwĩai Ngai nzũvĩe kuma vinyanĩ wa andũ athũku;
nzũvĩe kuma kwa andũ ang'endu,
ala mavangĩte kũmbalũkya.
5Ala mekathĩĩaa nĩmandeete na mũteo;
nĩmatambũũkĩtye ndii sya mũteo woo,
na makekĩa itei nzĩanĩ nĩ kana mangwatye.
Sela
6Nĩnĩneenaa na Mwĩai Ngai ngamwĩa atĩĩ, “We nue Ngai wakwa.”
Ame Mwĩai Ngai ĩthukĩĩsye wasya wa mboya yakwa.
7Ame Mwĩai Ngai, Mwĩai wakwa, Mwovosya wakwa mũnene,
nũnzũvĩĩte vyũ ĩvindanĩ ya kaũ.
8Ame Mwĩai Ngai ndũkanenge ala athũku kĩla mekwenda,
ndũketĩkĩle mĩvango yoo mĩthũku ĩendee nesa.
Sela
9Ndũketĩkĩle amaitha makwa masinde;
tuma ndeto syoo nthũku ila maneeneaa imasyokea.
10Nĩmetĩkĩwe nĩ makaa me mwaki!
Nĩmekw'e maimanĩ wĩthĩe maikauma vo ĩngĩ.
11Ala masukaa angĩ maikaaendee nesa;
andũ ang'endu nĩmakwatwe nĩ ũthũku na ũimamina.
12Nĩnĩsĩ kana Mwĩai Ngai nũteteaa ũw'o wa ala mathĩnaw'a,
na kũnenga athĩni sila wa katĩ.
13Kwa w'o ala alũngalu makataĩa ĩsyĩtwa yaku,
ala alũngalu makatũaa vala ũĩ.
Currently Selected:
Sav 140: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
