Sav 113
113
Mwĩai Ngai Aitaĩwa nũndũ wa Ũseo wake.
1Mũtaĩei Mwĩai Ngai!
Inyw'ĩ athũkũmi ma Mwĩai Ngai Mũtaĩei.
Taĩai ĩsyĩtwa ya Mwĩai Ngai!
2Ĩsyĩtwa ya Mwĩai Ngai nĩyĩtaĩwe,
kuma yu na kũvika tene na tene.
3Kuma wumĩlonĩ wa syũa kũvika ũthũĩlonĩ wayo,
ĩsyĩtwa ya Mwĩai Ngai nĩyĩtaĩwe!
4Mwĩai Ngai nũsumbĩkaa mbaĩ syonthe ĩũlũ wa nthĩ;
ũtheu wake mũtisu wĩ ĩũlũ wa matu.
5Nũũ ũla ũilyĩ Mwĩai Ngai, Ngai waitũ,
ũla ũsumbĩkaa e ĩũlũ mũno,
6ũla ũkumanaa asisye matu na nthĩ?
7Nĩwũkĩlasya ngya kuma kĩtoonĩ;
nĩwumasya athĩni thĩnanĩ woo,
8na kũtuma mekala na andũ me ndaĩa;
andũ me ndaĩa ma andũ make.
9Nũtumaa mũndũ mũka ngũngũ ekala mũsyĩ kwake,
e na ũtanu nũndũ Ngai nũmũnengete syana.
Mũtaĩei Mwĩai Ngai!
Currently Selected:
Sav 113: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
