Sav 112
112
Ũtanu wa Mũndũ Mũseo
1Mũtaĩei Mwĩai Ngai.
Nĩ mũathime mũndũ ũla ũkĩaa Mwĩai Ngai,
ũla ũtanĩaa kwĩanĩsya mĩao yake.
2Nzyawa syake ikeethĩwa syĩ na ũtonyi kũũ nthĩ;
ũsyao wa mũndũ mũlũngalu ũkeethĩwa wĩ mũathime.
3Mũsyĩ wake ũkeethĩwa na ũthwii na syĩndũ mbingĩ,
na ũlũngalu wake ũkekalaa tene na tene.
4Kyeni nĩkĩmulĩkĩlaa mũndũ mũlũngalu yĩla wĩ kĩvindunĩ;
mũndũ ũsu nĩ mũseo, e tei na nĩ mũlũngalu.
5Nĩ mũathime mũndũ ũla mũlau na ũkovethanasya;
ũla ũendeeasya maũndũ make kwa ũĩkĩĩku.
6Mũndũ mũlũngalu ndakathingithĩka o na ĩndĩĩ;
alilikanawa tene na tene.
7Ndakĩaa kũtavw'a ũvoo mũthũku,
mũĩkĩĩo wake nĩ mũlũmu na ekwatasya Mwĩai Ngai.
8Ndethĩawa na kĩmako o na ndakĩaa,
kũvika one amaitha make me asinde.
9 #
2Ako 9.9
Nũnengae ngya syĩndũ syake na ũlau,
na ũlũngalu wake ũkekalaa tene na tene.
Akeethĩawa na ũtonyi na akanengawe ndaĩa.
10Mũndũ mũthũku nĩwonaa ũu na aithata;
nũvevetanasya maeo nĩ woo na aithi.
Wendi wa mũndũ mũthũku ũtw'ĩkaa wa mana.
Currently Selected:
Sav 112: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
