Sav 114
114
Wathi wa Mboka ya Vasaka
1 #
Kuma 12.51
Yĩla andũ ma Ĩsilaeli maumie Misili,
yĩla nzyawa sya Yakovo syaumie nthĩ ya ũeninĩ,
2Yuta nĩyatw'ĩkie vandũ vatheu va Ngai,
na Ĩsilaeli yatw'ĩka ũsumbĩ wake.
3 #
Kuma 14.21; Yos 3.16 Ũkanga nĩwoonie ũu na wakĩa,
Ũsĩ wa Yolotani nĩwaekie kũvĩtya kĩw'ũ.
4Iĩma nĩsyathaanyũkangie ta ndũũme,
na tũlĩma twatũlĩlanga ta tũtena twa malondu!
5We ũkanga nĩ kyaũ kyatumie ũkĩa?
Naku Yolotani waekie kũvĩtya kĩw'ũ nĩkĩ?
6Inyw'ĩ iĩma mwathaanyũkangaa ta ndũũme nĩkĩ?
Nenyu tũlĩma mwatũlĩlangaa ta tũtena twa malondu nĩkĩ?
7We nthĩ thingitha wĩ mbee wa Mwĩai Ngai,
wĩ mbee wa Ngai wa Yakovo,
8 #
Kuma 17.1-7; Mot 20.2-13 Ngai ũla ũtumaa mavia matw'ĩka ndia sya kĩw'ũ,
na mavia momũ maitw'ĩka ithima sya kĩw'ũ.
Currently Selected:
Sav 114: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
