Sav 111
111
Maũndũ ma Kũseng'ya ala Mwĩai Ngai Wĩkaa
1Mũtaĩei Mwĩai Ngai.
Ngatũngĩa Mwĩai Ngai mũvea na ngoo yakwa yonthe,
nĩ wũmbanonĩ wa andũ alũngalu.
2Mwĩai Ngai nĩwĩkaa maũndũ ma kũseng'ya mũno,
na andũ onthe ala mendeeaw'a nĩmo nĩmendaa kũmamanya.
3Maũndũ ala wĩkaa nĩ manene na nĩ ma ndaĩa;
ũlũngalu wake nĩwĩkalaa tene na tene.
4Mwĩai Ngai nũtumĩte mawĩa make ma kũseng'ya malilikanwa;
nĩ mũseo na e tei.
5Nũnengae ala mamũkĩaa lĩu,
na ndolawa nĩ ũtianĩo wake.
6Nĩwonetye andũ make vinya wa mawĩa make,
kwa kũmanenga nthĩ sya andũ ma mbaĩ ingĩ.
7Mawĩa make nĩ ma ũĩkĩĩku na nĩ ma w'o,
na mawĩaĩo make onthe nĩ ma kwĩkwatw'a.
8Mawĩaĩo make mekalaa tene na tene,
manenganiwe nthĩnĩ wa ũw'o na ũlũngalu.
9Nĩwatangĩĩie andũ make,
na aseũvya ũtianĩo wa tene na tene.
Nĩ Ngai Mũtheu na wa kũkĩwa!
10 #
Yovu 28.28; Nth 1.7; 9.10 Kũmũkĩa Mwĩai Ngai nĩ w'o wambĩlĩĩlyo wa ũĩ;
andũ onthe ala mekaa ũndũ mĩao yake ĩkwasya,
methĩawa na ũmanyi mũseo.
Ngai nĩwaĩlĩte kũtaĩwa tene na tene.
Currently Selected:
Sav 111: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
