Sav 11
11
Kũĩkĩĩa Mwĩai Ngai
Kwa mwinĩthya: Savulĩ ĩno yaandĩkiwe nĩ Ndeviti
1Nĩvithaa nthĩnĩ wa Mwĩai Ngai;
mũtonya ata yu kũmbĩa, “Ũlũka ta kasũni ũthi iĩmanĩ?
2Nĩkwĩthĩwa ala athũku nĩmakootaa ũta;
nĩmekĩaa maangi moo ndiinĩ sya ũta,
nĩ kana mevithĩte kĩvindunĩ maathe ala alũngalu.
3Andũ ala alũngalu makeeka ata,
ethĩwa maũndũ ala maĩlĩte kwĩkwa maikũatĩĩwa?”
4Mwĩai Ngai e Ĩkalũnĩ yake ĩtheu;
Mwĩai Ngai e kĩvĩlanĩ kyake kya kĩ-ũsumbĩ ĩtunĩ;
nũsyaĩĩasya ana ma andũ,
na nũmanyaa maũndũ ala mekwĩka.
5Mwĩai Ngai nũsiasya maũndũ ala andũ aseo na athũku mekaa,
nĩ kana amanye ũndũ mailyĩ,
ĩndĩ nũmenaa ala mendete ithokoo.
6Mwĩai Ngai akatuma ala athũku,
mauĩĩwa nĩ makaa makanĩte mwaki, na Lavuti wakanĩte;
nũmakanasya na kĩseve kĩla kĩvĩvasya.
7Nĩkwĩthĩwa Mwĩai Ngai nĩ mũlũngalu,
nĩwendete meko malũngalu,
na andũ ala alũngalu makamwona.
Currently Selected:
Sav 11: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
