Sav 12
12
Mboya ya Kũkũlya Ũtethyo kuma kwa Ngai
Kwa mwinĩthya: Savulĩ ĩno yaandĩkiwe nĩ Ndeviti
1Mwĩai Ngai tũtetheesye,
nĩkwĩthĩwa vai mũndũ ũĩkĩaa Ngai ũtialĩte;
andũ ala aĩkĩĩku nĩ athelu andũnĩ.
2Kĩla mũndũ nũkengaa mũtũi wake;
maneenaa ndeto sya ũvũngũ,
na ngoo syoo iyĩthĩawa na ũw'o.
3Mwĩai Ngai tuma andũ asu maneenaa ũvũngũ mavindya,
andũ ala mekathĩĩaa.
4Maneenaa makasya, “Ndeto sitũ niũtuma tũsinda;
twĩ na makanyw'a ma kũneena,
nũũ ũla ũtonya kũtũsumbĩka?”
5Ĩndĩ Mwĩai Ngai easya,
“Nĩkwĩthĩwa ala ngya nĩmeũthĩnw'a na athĩni nĩmeũluma, nĩngũkĩla oyu.
Nĩngũsũvĩa onthe ala mekwenda ũsũvĩo.”
6Ndeto sya Mwĩai Ngai nĩ ntheu,
iilyĩ silĩva ũtheew'e ĩikonĩ ya yũmba mavinda mũonza.
7Ame Mwĩai Ngai tũsũvĩe;
tũsũvĩe kuma andũnĩ ma mũthemba ũsu,
ĩvindanĩ yonthe yĩla yũkĩte.
8Andũ ala athũku me kĩla vandũ,
na kĩla mũndũ ekumya ũndũ ũla mũthũku.
Currently Selected:
Sav 12: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
