Sav 105
105
Ngai na Andũ make
(1Mav 16.8-22)
1Tũngĩai Mwĩai Ngai mũvea,
ĩkaĩlei ĩsyĩtwa yake;
tavyai mbaĩ sya andũ ũndũ Mwĩai Ngai wĩkĩte.
2Inĩai Mwĩai Ngai, mwinĩei mbathi sya kũmũtaĩa;
tavany'ai maũndũ ma kũseng'ya ala wĩkĩte.
3Ĩkathĩĩei ĩsyĩtwanĩ yake ĩtheu;
andũ onthe ala mamũmanthaa Mwĩai Ngai nĩmatane.
4Manthai Mwĩai Ngai na kũmantha ũtethyo wake;
mũmanthaei kĩla ĩvinda.
5Lilikanai maũndũ ma kũseng'ya ala wĩkĩte;
syama syake na ũsilĩlo ũla wawetie.
6Inyw'ĩ nzyawa sya Avalaamu mũthũkũmi wa Mwĩai Ngai,
inyw'ĩ ana ma Yakovo anyuve ma Mwĩai Ngai.
7Nĩwe Mwĩai Ngai, Ngai waitũ;
ũsilĩlo wake wĩ kĩla vandũ ĩũlũ wa nthĩ.
8Lilikanai ũtianĩo wake tene na tene,
ndeto ila weeaie kwondũ wa nzyawa ngili,
9 #
Mwa 12.7; 17.8; 26.3 ũtianĩo ũla waseũvisye na Avalaamu,
na wĩvĩto ũla weevĩtie kũla kwĩ Isaka.
10 #
Mwa 28.13
Nĩwaĩkĩĩthisye Yakovo wĩvĩto ũsu ta mwĩao,
wĩthĩwe ũtianĩo wa tene na tene kũla kwĩ Ĩsilaeli,
11ayasya, “Nĩngũmũnenga nthĩ ya Kanaani,
yĩthĩwe kĩsio kyenyu kya ng'ũndũ.”
12Yĩla ũtalo woo waĩ mũnini,
waĩ mũnini vyũ na maĩ aeni nthĩ ĩsu.
13Nĩmangangaa kuma nthĩ ĩmwe kũthi ĩla ĩngĩ,
kuma ũsumbĩnĩ ũmwe kũthi ũla ũngĩ.
14 #
Mwa 20.3-7
Ngai ndaaĩtĩkĩla mũndũ o na wĩva amathĩny'e;
nĩwamasũvĩie kwa kũkany'a asumbĩ
15ayasya, “Mũikeke naĩ athũkũmi makwa ala nĩnyuvĩte,
mũikaũmĩsye athani makwa.”
16 #
Mwa 41.53-57
Mwĩai Ngai nĩwaetie yũa nthĩ yoo,
na aananga kũndũ kw'onthe kũla kwaumaa lĩu.
17 #
Mwa 37.28; 45.5 Ĩndĩ nĩwatũmĩte mũndũ ũmwe weetawa Yosevu,
ũla wathooiw'e ta ngombo athi mbee woo.
18 #
Mwa 39.20—40.23
Nĩmoovete maũũ make na mbĩngũ,
na makamwova ngingo na nyololo ya kyũma,
19nginya kĩla wathanĩte kyesa kwĩanĩa;
ndeto ya Mwĩai Ngai nĩyaĩkĩĩthisye kana aneenaa ũla w'o.
20 #
Mwa 41.14
Mũsumbĩ wa Misili nĩwatũmanie Yosevu athaw'e;
mũsumbĩ wa andũ nĩwamũlekilye.
21 #
Mwa 41.39-41
Nĩwamũtw'ĩkĩthisye mũtongoi wa nyũmba yake,
na mũũngamĩi wa syĩndũ ila waĩ nasyo syonthe,
22nĩ kana aumĩasye anini make mĩao ũndũ ũkwenda,
na kũmanyĩasya atumĩa make ũĩ.
23 #
Mwa 46.6; 47.11 Nĩvo ĩndĩ andũ ma Ĩsilaeli malikile Misili;
Yakovo nĩwekalile ta mũeni nthĩ ya Amu.
24 #
Kuma 1.7-14
Mwĩai Ngai nĩwanengie andũ make syana mbingĩ,
na atuma methĩwa me na vinya kwĩ amaitha moo.
25Nĩwatumie andũ ma Misili mamena andũ make,
na maseũvĩsya athũkũmi make mĩvango ya ũseleke.
26 #
Kuma 3.1—4.17
Nĩwatũmie mũthũkũmi wake Mwose,
na Alũni ũla wanyuvĩte.
27Nĩmeekie syama syake me katĩ wa andũ ma Misili,
na meeka maũndũ ma kũseng'ya nthĩ ya Amu.
28 #
Kuma 10.21-23
Ngai nĩwaetie kĩvindu na atuma nthĩ ĩsu ĩtuka,
ĩndĩ andũ ma Misili mayaaĩka#105.28 mayaaĩka: Maandĩko amwe ma tene ma Ndeto ya Ngai nĩmo maĩtye ũu. Kĩthyomo kya Kĩevelania kyaĩtye nĩmeekie ũndũ mĩao ya Ngai ĩkwasya.
29 #
Kuma 7.17-21
Nĩwatumie kĩw'ũ kyoo kĩtw'ĩka nthakame,
na atuma makũyũ moo makw'a.
30 #
Kuma 8.1-6
Nthĩ yoo nĩyausũie syoa,
o na nyũmba ya kĩ-ũsumbĩ nĩyausũie syoa isu.
31 #
Kuma 8.16-17,20-24 Ngai nĩweeaie,
na ngi na ngala mbingĩ syausũa kĩla vandũ nthĩ yoo.
32 #
Kuma 9.22-25
Nĩwamaeteie mbua ya mavia vandũ va mbua,
na ũtisi ũla watisaa nthĩ yoo yonthe.
33Nĩwaanangie mĩsavivũ na mĩkũyũ yoo,
na atũlanga mĩtĩ ya nthĩ yoo.
34 #
Kuma 10.12-15
Nĩweeaie na ngie syooka;
ngie syaĩ mbingĩ ũkethĩa iitalĩka.
35Nĩsyaĩe mĩmea yonthe ĩla yaĩ nthĩ ĩsu,
na syaya ũsyao wa nthĩ yoo.
36 #
Kuma 12.29
Nĩwooaie makithathi onthe ma nthĩ yoo,
ũsyao wa mbee wa mĩsyĩ ya andũ ma Misili.
37 #
Kuma 12.33-36
Nĩvo ĩndĩ Ngai watongoeisye andũ ma Ĩsilaeli mauma Misili;
maumie makuĩte silĩva na thaavu,
na onthe maĩ na mĩĩ mĩseo yĩ na vinya.
38Andũ ma Misili nĩmatanie yĩla andũ ma Ĩsilaeli maendie,
nĩkwĩthĩwa maĩ na w'ĩa nũndũ woo.
39 #
Kuma 13.21-22
Ngai nĩwatambũũkisye ĩtu ĩũlũ wa andũ make,
na mwaki ũtukũ nĩ kana ũmamulĩkĩlae.
40 #
Kuma 16.2-15
Nĩmamũkũlilye nake amaetee ngwae,
na amanenga lĩu mwingĩ kuma ĩtunĩ.
41 #
Kuma 17.1-7; Mot 20.2-13 Nĩwaatũie ĩvia na kĩw'ũ kyauma na vinya,
nĩkyesĩlile weũnĩ ta ũsĩ.
42Nĩkwĩthĩwa nĩwalilikanile watho wake mũtheu,
ũla wathie mũthũkũmi wake Avalaamu.
43Kwoou Ngai nĩwaumisye andũ make nthĩ ya Misili me na ũtanu;
anyuve make mainĩte na ũtanu.
44 #
Yos 11.16-23
Nĩwamanengie nthĩ sya andũ ma mbaĩ ingĩ,
na atuma mosa mĩũnda yoo.
45Eekie ũu nĩ kana mekae ũndũ motw'ĩo make mekwasya,
na mayĩanĩasya mĩao yake.
Taĩai Mwĩai Ngai!
Currently Selected:
Sav 105: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
