Yovu 5
5
1“Yovu, ĩtana yu; ve mũndũ ũkũũsũngĩa?
Nĩ mũlaĩka wĩva ũtonya kũmũkũlya akũtethye?
2Kwa w'o, ũthatu nĩwũaa ndia,
kĩwĩu nĩkyũaa ala matonya kũluluutĩkw'a mĩtũkĩ.
3Nĩnonete ndia ĩilyĩ ta mbĩanĩe,
ĩndĩ kwa mĩtũkĩ nĩnaumanĩie wĩkalo wayo.
4Syana syayo iyĩthĩawa ũsũvĩonĩ,
nisindawa makoani kĩsilĩlonĩ,
na vai mũndũ witeteaa.
5Kĩla ndia yaketha, nĩkĩĩsawa nĩ ala me na nzaa,
o na kĩla yaketha mĩw'anĩ.
Ala me na waũni nĩmendeeaw'a nĩ ũthwii wayo.
6Nũndũ ũthũku ndwĩanaa kuma mũthanganĩ,
kana thĩna ũkeana kuma nthĩ.
7Aiee, mũndũ nĩwe wĩyĩeteae mathĩna,
o tondũ ngala italĩkaa kuma mwakinĩ.#5.7 ngala italĩkaa kuma mwakinĩ: Kana nyũnyi iũlũkaa ĩũlũ matunĩ.
8“Ĩndĩ kethĩwa ninyie, nĩthĩwa ngĩkaĩla Ngai,
na ngĩmũtavya thĩna wakwa;
9Tũitonya kũelewa nĩ maũndũ manene ala Ngai wĩkaa,
maũndũ ma kũseng'ya matatalĩka:
10Nĩwuasya mbua ĩũlũ wa nthĩ,
na ainyithya mĩũnda.
11Nũnenevasya ala menyivasya,
na kũtanĩthya ala me na kĩĩo.
12Nĩwanangaa mĩvango ya nzeleke,
ũkethĩa wĩa woo ndwĩ na ũsyao.
13 #
1Ako 3.19
Nũkwatĩasya ala oĩ ũselekenĩ woo,
na kwananga vyũ mĩvango ya ala ai.
14Nĩmonaa kĩvindu mũthenya,
na kũthi mavavatĩte mũthenya katĩ ta kwĩ ũtukũ.
15Ĩndĩ Ngai nũtangĩĩaa ngya kuma kĩkw'ũnĩ,
nũtangĩĩaa athĩni kuma mathĩnanĩ moo.
16Kwoou nũnengae ngya wĩkwatyo,
na aivindĩthya ala athũku.
17 #
Nth 3.11-12; Aevl 12.5-6 “Mũndũ ũla ũkanaw'a nĩ Ngai e vaseo,
kwoou ndũkathate yĩla Mwene Ũtonyi W'onthe waũkany'a.
18 #
Osea 6.1
Nũndũ nũũmĩasya na ayova kũla waũmĩsya,
kw'oko kwake nĩkũũmĩasya na kw'oko kwake kũivosya.
19Walika mũisyonĩ akakũtetheeasya ĩvinda yonthe;
o na wĩ thĩnanĩ mũnene akakũsũvĩa ndũkaũmĩw'e.
20Kwooka yũa, akakwovosya kuma kĩkw'ũnĩ,
na ĩvindanĩ ya kau, akakũsũvĩa ndũkakw'e.
21Ngai akakũsũvĩana na nzukũ nthũku,
akakũtangĩĩa yĩla wanangĩko wĩũka.
22Ĩvindanĩ ya wanangĩko na ya yũa ũkathekaa,
na ndũkakĩa nyamũ nthũku sya kĩthekanĩ.
23Mũũndanĩ waku ndũkathĩnw'a nĩ mavia,
nyamũ sya kĩthekanĩ iikakũvithũkĩa.
24Ũkekalaa na mũuo ĩeemanĩ yaku;
yĩla wasisya malondu maku ũkeethĩaa me ũsũvĩonĩ.
25Ũkeethĩwa na nzyawa mbingĩ,
nzyawa syaku ikeethĩwa syĩana nyeki isesinĩ.
26Ta nganũ ĩla ĩendeeaa na kũvika nginya ĩvinda ya ngetha,
ũkekala thayũ nginya wĩthĩwe na ũkũũ wa myaka mingĩ.
27Yovu, nĩtũsyaĩtye ũndũ ũũ na nĩ wa w'o,
kwoou wĩthukĩĩsye na ũiwĩtĩkĩla ta waku.”
Currently Selected:
Yovu 5: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
