Yovu 41
41
1 #
Sav 74.14; 104.26; Ĩsa 27.1 “Yovu nĩũkũlya, nũtonya kũkwatya Leviathani#41.1 Leviathani: Sisya Yovu 3.8.
na ndoano yaũkwatya ĩkũyũ,
kana ũkoveea ũĩmĩ wayo nthĩ na ĩkanda?
2Nũtonya ũmyoveea ĩkanda ĩnyiũũ,
kana ũkatonya kanyw'a wayo na mboloi?
3Nĩtonya kũkwĩsũva nĩ kana ũmĩw'ĩe tei?
Nĩtonya kũneena naku na ndeto nduu?
4No ĩseũvye wĩw'ano naku,
nĩ kana ũmyose ũmĩtw'ĩkĩthye ngombo yaku ĩvindanĩ yonthe yĩla yũkĩte?
5Nũtonya kũthaũka nayo ta kasũni,
kana ũkamyova nĩ kana eĩtu maku athũkũmi makamĩloelaa?
6Atei ma makũyũ makeew'ana thooa wayo?
Atandĩthya makatilanga Leviathani mamĩthoosye?
7Nũtonya kusũsya kĩkonde kyayo na mĩw'a ya kyũma,
kana ũkausũsya mũtwe wayo na matumo ma kũaa makũyũ?
8Yĩla wĩmĩkiita ĩvinda o yĩmwe tũ,
ndũkaatata ĩngĩ; ndũkolwa nĩ kaũ ũla wĩona.
9“Vai wĩkwatyo o na ũmwe wa kũmĩsinda,
mũndũ ũla wamyona nũthelaa vinya na aivalũka nthĩ.
10Vai mũndũ mwai ũtonya kũmĩamũkya,
ũla ũtonya kũũngama aleane nakwa nũũ?
11Nũũ ũla wĩ na ĩkoani nakwa nĩ kana nĩmũĩve?
Syĩndũ syonthe ila syĩ ĩũlũ wa nthĩ nĩ syakwa.
12“Ndilea ũkũtavya ĩũlũ wa maũũ ma Leviathani,
kana vinya wayo mũnene,
kana wũmbo wayo mũseo.
13Nũũ ũla ũtonya kũmyumya kĩthuma?
Nũũ ũla ũtonya kũmĩtonya akavũthũa ngao ya yo ndũmu?
14Nũũ ũla ũtonya kũtuma yathamya?
Maeo mayo ngalĩko syonthe nĩ ma kũtelemya.
15Mũongo wayo wĩ mĩthĩa ya ngao,
ikwatanĩtw'e vamwe ikalũma ta ĩvia.
16Kĩla ngao ĩkwatanĩtw'e na ĩla ĩngĩ ikalũma,
vai kamwanya o na kamwe katie.
17Syovanĩtw'e vamwe syĩ ndũmu,
ũkethĩa vai kĩndũ o na kĩmwe kĩtonya kũivathũkany'a.
18Leviathani yaathimũa kyeni nĩkĩkenaa,
na metho mayo nĩmaumasya kyeni ta syũa yĩyuma.
19Mũĩ sya mwaki nĩsyumaa kanyw'anĩ wayo,
ngala sya mwaki nĩsyumaa kanyw'anĩ wayo.
20Syũki nĩyumaa manyiũũnĩ mayo,
ta mĩthũmũ ya mbisũ ĩtheũkĩtw'e nĩ mwaki wa makangaa.
21Mĩthũmũ ya yo nĩtumaa makaa makana,
na mũĩ sya mwaki nĩsyumaa kanyw'anĩ wayo.
22Ngingo ya yo yĩ vinya mwingĩ,
na ala makomanaa nayo nĩmatelemaa.
23Makwaũ ma mwĩĩ wayo nĩmakwatanĩte,
nĩmomanĩle ĩũlũ wayo ũkethĩa mayumw'a.
24Ngoo ya yo nĩ mbũmũ ta ĩvia;
nĩ mbũmũ ta ĩvia ya ũthia.
25Yĩla yookĩla, ala me ũtonyi#41.25 ala me ũtonyi: Kana ngai. nĩmakĩaa,
nĩmakwatawa nĩ w'ĩa mwingĩ makathela vinya.
26Vai ũvyũ ũtonya kũmĩũmĩsya,
kana ĩtumo, o na ĩangi kana mũsenge ũtonya kũmĩũmĩsya.
27Kwa Leviathani kyũma nĩ ũndũ ũmwe na nyeki,
na kyũma kya mbulonzi nĩ ũndũ ũmwe na mũtĩ mwou.
28Maangi maituma ĩsemba,
kwayo mavia mekĩtw'e na kĩkũtha nĩ ũndũ ũmwe na mavuti.
29Kwayo nzũma nĩ ũndũ ũmwe na mavuti,
ĩthekaa yĩla andũ mekya matumo.
30Makwaũ ma ĩvu ya yo mailyĩ ilĩo mbũĩ,
matemelaa ndakanĩ ta kĩvũi kya ngetha ya mbaa mbeke.
31Nĩtheũkasya kĩw'ũ kya ũkanga,
kĩkatheũka ta kĩw'ũ kĩ mbisũnĩ,
na kũtuma kyuma mavũyũ ta mbisũ ya mauta.
32Ĩendaa ĩtiĩte nzĩa ĩkũkenga,
na kũtuma ũkanga wusũa mavũyũ meũ.
33Vai kĩndũ ĩũlũ wa nthĩ kĩtonya kũelekanw'a na Leviathani;
nĩ kyũmbe kĩte w'ĩa.
34Nĩvũthasya nyamũ o na ila syĩ ngathĩĩo;
nĩyo mũsumbĩ wa nyamũ syonthe.”
Currently Selected:
Yovu 41: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
