Yovu 23
23
Ũsũngĩo wa Yovu
1Nĩvo ĩndĩ Yovu wasũngĩie asya atĩĩ,
2“O na yu nĩngũendeea kũnyungunyĩsya kũla kwĩ Ngai,
nũndũ nĩngũluma, ĩkũna yake nĩ ĩnene.
3Kethĩwa tyo nĩsĩ vala ndonya kũmwona!
Kethĩwa tyo nĩvika wĩkalonĩ wake!
4No nĩmũtavye thĩna wakwa,
na ngĩmũtavya mathĩna makwa onthe.
5No nĩmanye ũsũngĩo ũla ũnenga,
na ngĩmanya ũndũ ũkũmbĩa.
6Ngai nũtonya kũtũmĩa vinya wake w'onthe nĩ kana anzinde?
Aiee, ethukĩĩsya ũndũ ngũmwĩa.
7Vau nĩthĩwa ndonya kũsũanĩa nĩ na ũla mũlũngalu,
na ngĩekewa vyũ nĩ mũsili wakwa.
8Nĩnĩmanthĩte Ngai ngalĩko ya wumĩlonĩ wa syũa, ĩndĩ ndevo,
yĩla namũmanthie ngalĩko ya ũthũĩlonĩ wa syũa, ndyaamwona.
9Nĩnĩmũmanthĩte ngalĩko ya ĩũlũ, na ndiũmwona,
o ta ũu nĩnĩmũmanthĩte ngalĩko ya ĩtheo, ĩndĩ o na vau ndiũmwona.
10Ĩndĩ ũu wĩ o vo, Ngai nĩwĩsĩ maũndũ onthe ala nĩkaa,
yĩla wĩndata akeethĩa nĩ mũtheu ta thaavu.
11Nĩatĩĩaa nzĩa yake kwa ũĩkĩĩku,
nĩatĩĩe nzĩa yake ndekwathũka.
12Ndyaaĩsa kũtia mĩao yake,
nĩniĩte ndeto syake ngoonĩ yakwa.
13Ndaalyũkaa. Nũũ ũtonya kũmũkananĩsya?
Ekaa ũndũ ũkwenda.
14Akeanĩsya mũvango wake ĩũlũ wakwa,
ũsu no ũmwe katĩ wa mĩvango mingĩ ĩla wĩ nayo.
15Kĩu nĩkyo kĩtumi nĩ na w'ĩa nĩ mbee wake,
nasũanĩa ĩũlũ wa maũndũ asu nĩngũmũkĩa.
16Ngai nũtumĩte ndethĩwa na ũkũmbaũ,
Mwene Ũtonyi W'onthe nũndelemetye.
17Ĩndĩ o na kĩvindu kĩituma ngilya,
kĩvindu kĩkamu kĩla kĩvw'ĩkĩte ũthyũ wakwa.”
Currently Selected:
Yovu 23: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
