Yovu 24
24
1“Mwene Ũtonyi W'onthe aleaa kũvanga mavinda ma ũsilĩlo nĩkĩ?
Ala mamwĩsĩ maleaa kũmanya mĩthenya ĩsu nĩkĩ?
2Andũ nĩmathamasya makonge ma mũvaka;
nĩmoyaa ndĩthya sya mbũi na malondu na kũiĩthya.
3Nĩmosaa ĩng'oi ya syana ndiwa,
na mayosa nzaũ ya mũndũ mũka ndiwa nginya aĩve thiĩ wake.
4Nĩmasiĩĩaa ngya ndĩkakwate kĩla kĩmyaĩlĩte,
na maituma ngya isemba na kwĩvitha.
5Kwoou ala ngya nĩmamanthaa lĩu weũnĩ ta mang'oi ma kĩthekanĩ.
Vai vandũ vangĩ matonya kũkwata lĩu wa syana syoo.
6Ngya nikethaa mĩũndanĩ ĩte yoo,
nikolanasya nzavivũ mũũndanĩ wa mĩsavivũ wa mũndũ mũthũku.
7Ũtukũ makomaa me athei matena ngũa sya kwĩvw'ĩka,
mayĩthĩawa na kĩndũ kya kwĩvw'ĩka maikew'e mbevo.
8Nĩmauĩĩawa nĩ mbua ĩla yuaa iĩmanĩ,
na mayĩvitha mavianĩ nũndũ mai na vandũ va kwĩseseea.
9Andũ athũku nĩmosaa kana kakw'ĩĩwe nĩ ĩthe wako,
kuma ũsũvĩonĩ wa inyia wako,
nĩmosaa kana ka ngya kwondũ wa kũĩvĩa thiĩ.
10Andũ ala ngya maendaa mate na ngũa sya kwĩvw'ĩka,
mekalaa na nzaa o maendee na kũketha nganũ.
11Nĩmavivaa mĩthata maumye mauta na nzavivũ maumye ndivai,
ĩndĩ mo ene methĩawa na waũni.
12Ala maendee kũkw'a nĩmew'ĩkaa ndũanĩ mailuma,
na mathayũ ma ala aũmĩsye nĩmakayaa matetheew'e,
ĩndĩ Ngai ndethukĩĩasya mboya syoo.
13“Ve andũ maleaa kyeni;
maieleawa nĩkyo, kana kũthi vala kĩmatongoeasya kũthi.
14Kwakya tene mũaani nũamũkaa,
na aithi kũaa ngya na athĩni,
na ũtukũ nĩ kĩng'ei.
15Mũndũ kĩlaalai eteelaa kũtuke,
nũvw'ĩkaa ũthyũ wake na kwasya, ‘Ndimanyĩka nĩ mũndũ.’
16Ing'ei nitũlaa nyũmba ũtukũ,
ĩndĩ mũthenya nĩsyĩvingĩaa nyũmba,
iyĩsĩ mũthenya kwĩthĩawa kũilyĩ ata.
17Kwa ing'ei syonthe kĩvindu kĩkamu nĩ ũndũ ũmwe na kwakya,
nĩkwĩthĩwa nĩmendeeaw'a nĩ motĩsyo ma kĩvindu kĩkamu.
18“Andũ asu nĩ ĩvũyũ yĩ kĩw'ũnĩ ĩũlũ,
kĩlungu kyoo kya nthĩ nĩkĩumanĩe,
nĩ kana mũndũ o na wĩva ndakathi mĩũndanĩ yoo ya mĩsavivũ.
19O tondũ ĩa yĩthelaa nũndũ wa muutĩa na mũnyao,
now'o ala mekaa naĩ mathelaa kuma nthĩ ya ala me thayũ.
20Aa inyia moo maimalilikanaa o na vanini,
nĩmalĩkaa nĩ iinyũ na kwanangwa ta mĩtĩ mĩteme.
21Andũ athũku nĩmathĩnasya mũndũ mũka ngũngũ,
mayĩw'ĩaa ndiwa tei.
22Ĩndĩ Ngai vinyanĩ wake nũvetangaa ala me ũtonyi,
o na kau nĩmethĩawa na syĩndũ mai na wĩkwatyo thayũnĩ woo.
23Ngai nũtonya kũmaeka mathũmũe vala mekwĩw'a me ũsũvĩonĩ,
ĩndĩ nĩwonaa maũndũ ala mekaa.
24Andũ athũku nĩmaendeeaa nesa vandũ va kavinda kanini,
ĩndĩ nĩmathelaa ta ĩia yooma,
ta iia sya nganũ ngethe.
25Ethĩwa ũu ti w'o, nũũ ũla ũtonya kũleana na ndeto syakwa,
na kũtuma ndeto syakwa syĩthĩwa syĩ sya mana?”
Currently Selected:
Yovu 24: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
