Yovu 17
17
1“Nĩnĩkw'ĩte ngoo, mĩthenya yakwa nĩ mĩthelu;
mbũa nĩmbeteelete.
2Kwa w'o andũ me kĩvũthya nĩmambĩlingĩlĩte;
kĩvũthya kyoo nĩnĩkyene nesa.
3Ame Ngai tetea ũlũngalu wakwa mbee waku.
Nũũ ũngĩ wĩtĩkĩla ũndũ ngwasya?
4Nũndũ we Ngai nũvingĩte ilĩko syoo iikasũanĩe,
ndũkamaeke manzinde yu.
5Andũ ala makaĩaa anyanyae nĩ kana manengwe ĩtuvi,
syana syoo ikaa metho.
6Ngai nũndw'ĩkĩthĩtye kĩndũ kya kũvũthw'a nĩ kĩla mũndũ,
ndw'ĩkĩte mũndũ wa kũtw'ĩlwa mata ũthyũ nĩ andũ.
7Metho makwa nĩmaekete kwona nthĩ nesa nũndũ wa kyeva,
mamutha ma mwĩĩ wakwa onthe nĩ matheke mũno.
8Ala alũngalu nĩmasaanĩaw'a moona thĩna wakwa;
ala mate mavĩtyo nĩmathataw'a nĩ mũndũ ũla mekwona ta ũte mũlũngalu.
9O vamwe na ũu, ũla mũlũngalu nũendeeaa kwĩkala e mũlũngalu,
na ũla ũtekĩte naĩ nũendeeaa kwongeleka vinya.
10Ĩndĩ inyw'ĩ ũkai, ũkai ĩngĩ inyw'onthe,
katĩ wenyu ndiĩthĩa mũndũ o na ũmwe mũĩ.
11Mĩthenya yakwa nĩ mĩvĩtũku, mĩvango yakwa nĩ myanange;
wĩkwatyo wa ngoo yakwa nĩ mũthelu.
12Andũ aa maalyũlaa ũtukũ ũkatw'ĩka mũthenya,
yĩla kwĩ kĩvindu maasya, ‘Kyeni kĩ vakuvĩ.’
13Ethĩwa mbũanĩ#17.13 mbũanĩ: Maandĩko Matheu kĩthyomonĩ kya Kĩevelania maĩtye Seoli ve voka nĩvo nĩkwatĩtye vethĩwe mũsyĩ wakwa,
vala nĩalany'a kĩtanda kyakwa na ngĩkoma;
14ethĩwa ngeea mbũa, ‘We nue nau,’
na kwĩa iinyũ, ‘We nue mwaitũ,’
kana, ‘We nue mwĩĩtu-a-ia,’
15wĩkwatyo wakwa ĩndĩ ũĩva?
Nũũ ũtonya kwona wĩkwatyo wakwa?
16Nĩkũlya, wĩkwatyo wakwa ũkatheeany'a nakwa nginya mĩvĩanĩ ya kĩkw'ũ?#17.16 nginya mĩvĩanĩ ya kĩkw'ũ: Maandĩko Matheu kĩthyomonĩ kya Kĩevelania maĩtye nginya Seoli?
Tũkatheea kĩtoonĩ twĩ vamwe?”
Currently Selected:
Yovu 17: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
