Yovu 13
13
1“Metho makwa nĩmonete maũndũ asu onthe;
matũ makwa nĩmew'ĩte na nĩnĩmanyĩte maũndũ asu.
2Maũndũ ala mwĩsĩ o nakwa nĩnĩmesĩ;
nyie ndi mũnini kĩlĩkonĩ kwĩ inyw'ĩ.
3Ĩndĩ nyie nĩenda kũneena na Mwene Ũtonyi W'onthe;
nĩenda kwĩtetea vala ve Ngai.
4Ĩndĩ inyw'ĩ mwĩvw'ĩka ũw'o mũitũmĩa ũvũngũ;
inyw'onthe mwĩ ndakĩtalĩ sya mana.
5Mwa kethĩwa no mũvindya,
kũvindya kwenyu kwĩthĩwa ũĩ wenyu.
6“Yu ĩthukĩĩsyei mosũanĩo makwa;
ĩthukĩĩsyei kwĩsũvana kwakwa.
7Mwĩsũanĩa mwĩthũkũma Ngai yĩla mũũneena ũvũngũ?
Mwĩsũanĩa kana yĩla mũũkengana mwĩkengana kwondũ wa Ngai?
8Mwĩenda kwonany'a wendeesyo vala ve Ngai?
Mũkatetea Ngai kĩsilĩlonĩ?
9Nĩkũlya, Ngai akamũsisya nesa ethĩwa mwĩ aseo?
Inyw'ĩ nĩmũtonya kũkenga Ngai ũndũ mũtonya kũkenga andũ?
10Vate nzika Ngai akamũkany'a inyw'ĩ,
ethĩwa mwĩonany'a wendeesyo kwa kĩmbithĩ.
11Ũnene wake ndũtonya kũmũtelemya?
Inyw'ĩ mũikwatawa nĩ w'ĩa nũndũ wake?
12Nthimo syenyu nĩ sya mana o ta mũu;
kwĩtetea kyenyu kũmonyokaa ta ndaka.
13Vindyai na mũieka nĩneene,
o na ethĩwa nĩkwatwa nĩ ũndũ mwaũ.
14“Nyie nĩnĩyũmbanĩtye#13.14 nyie nĩnĩyũmbanĩtye: Maandĩko Matheu kĩthyomonĩ kya Kĩevelania maĩtye, nĩkĩ nyie nĩyũmbanĩtye? kũlikya thayũ wakwa mũisyonĩ.
15Ngai nĩambũae, nyie ndi na wĩkwatyo;
ĩndĩ no nginya nĩtetee mwĩkalo wakwa nĩ mbee wake.
16No vatonyeka ũkethĩa ũkũmbaũ wakwa ũkandangĩĩa,
nũndũ vai mũndũ mũthũku ũtata kũũngama mbee wa Ngai.
17Ĩthukĩĩsyei ndeto syakwa nesa;
matũ menyu nĩmew'e ũndũ ngwasya.
18Nĩkwĩthĩwa nĩnĩyũmbanĩsye ĩkoani yakwa nesa,
nĩnĩsĩ nesa kana ngatalĩlwa ũlũngalu.
19“Ve mũndũ ũtonya kũneenany'a nakwa ũndũnĩ o na wĩva?
Kethĩwa nĩmwonany'a kana nĩ na mavĩtyo, nyie no kũvindya na ngĩkw'a.
20Ame Ngai, nenga o maũndũ aa elĩ,
na ndiĩvitha kuma vala ũĩ:
21Eka kũngany'a,
na eka kũndelemya na maũndũ maku mew'ĩthasya w'ĩa.
22We Ngai amba kũneena, nakwa ngĩũsũngĩa,
kana ũeke nambe kũneena, naku ũinzũngĩa.
23Nyie nĩkĩte mavĩtyo na naĩ syĩana ata?
Mbony'e ĩvĩtyo na naĩ yakwa.
24“Ũmbĩvithaa nĩkĩ?
Wonaa ta nĩ mũmaitha waku nĩkĩ?
25We nũũndelemya o na kau nĩilyĩ ta ĩtũ yĩũlũkĩtw'e nĩ kĩseve,
nũũnzembany'a o na kau nĩilyĩ mavuti momũ?
26We Ngai ũnzikatĩte na mavĩtyo me woo;
nũtumĩte nĩkua naĩ ila neekie nĩ wa mũika.
27 #
Yovu 33.11
Nũmbovete maũũ na mĩtĩ ya kwova andũ;
nũsyaĩĩasya vyũ nzĩa syonthe ila nĩendelaa,
kwa kwĩkĩa movano ungu wa nyaĩĩ syakwa.
28Kwondũ wa ũu nyie nĩthelaa ta mũtĩ mwou,
ta ngũa ĩĩtwe nĩ mũthwa.”
Currently Selected:
Yovu 13: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
