Yel 20
20
Kĩumo ĩũlũ wa Vasuli nũndũ wa Kwova Yelemia
1Yĩla Mũthembi Vasuli Mwana wa Imeli, ũla waĩ mũnene wa kũũngamĩa Ĩkalũ, weewie Yelemia akyathana maũndũ asu, 2nĩwamũkwatie amũvũa na amwoveea mĩtĩnĩ ya kwova andũ#20.2 mĩtĩnĩ ya kwova andũ: Mĩtĩ ĩĩ yaseũvĩtw'e yĩna maima ma kũlikya moko, maũũ, na mũtwe na ĩndĩ mũndũ ayovwa nayo athĩne. ĩla yaĩ mũvĩanĩ wa ngalĩko ya ĩũlũ ya Ĩkalũ, ũla weetawa Mũvĩa wa Mbengyameni. 3Ũnĩ ũsu Vasuli nĩwathaisye Yelemia kuma ĩla mĩtĩnĩ, nake Yelemia amwĩa atĩĩ, “Mwĩai Ngai ndakwĩtaa Vasuli, ĩndĩ akwĩtaa, ‘Motĩsyo me kĩla Ngalĩko.’ 4Nũndũ ũũ nĩ w'o Mwĩai Ngai ũkwasya: We Vasuli ngakũtw'ĩkĩthya ũtĩsyo kwaku mwene na kwa anyanyau onthe. Makooawa na ũvyũ nĩ amaitha moo ũmasyaĩĩsye. Nganengane andũ onthe ma Yuta ũtonyinĩ wa mũsumbĩ wa Mbavilonĩ, nake akamatava amatwae nthĩ ya Mbavilonĩ me ove na akamoaa na ũvyũ. 5Vamwe na ũu, nganenga amaitha moo ũthwii w'onthe wa ndũa ya Yelũsalemu, syĩndũ syoo syonthe ila memanthĩe, syĩndũ syoo syonthe sya vata mũno, na ũthwii w'onthe wa asumbĩ ma Yuta. Makaitava na kwikua maitwae Mbavilonĩ. 6O naku we Vasuli na andũ onthe ma mũsyĩ waku, mũkatavwa mũtwawe Mbavilonĩ. We na anyanyau onthe ala wathanĩaa ũvũngũ mũkakw'ĩĩa kw'o na mũithikwa kw'o.”
Yelemia Aimũĩĩa Ngai nũndũ wa Mathĩna
7Ame Mwĩai Ngai, nĩwambĩsũvie nakwa neesũvĩka;#20.7 nĩwambĩsũvie nakwa neesũvĩka: Maandĩko amwe ma Ndeto ya Ngai maĩtye nĩwangengie nakwa nakengeka
wĩ vinya mbee wakwa na nĩwangĩlilye vinya.
Ndw'ĩkĩte mũndũ wa kũthekeewa mũthenya w'onthe,
kĩla mũndũ nũmbũĩaa ngũĩ.
8Kĩla ĩvinda naneena,
nĩnĩneenaa na wasya mũnene na kwasya,
“Ũng'endu na wanangĩko!”
Nũndũ ndeto ya Mwĩai Ngai nĩtumĩte nĩvũthw'a,
na kũthekeewa mũthenya w'onthe.
9Ethĩwa nĩngwasya, “Ndimũweta Mwĩai Ngai,
kana kũneena ĩngĩ ĩsyĩtwanĩ yake,”
nĩw'aa ngoonĩ yakwa ta ve mwaki mwakanu,
ũvingĩĩtwe mavĩndĩnĩ makwa,
nĩnĩnoete nĩ kũmĩĩsya ndikamĩneene,
na nĩnĩemetwe.
10Nĩngwĩw'a aingĩ mainzuka;
motĩsyo me ngalĩko syonthe!
Anyanyawa onthe ala meteelaa nĩvalũke meneenea mayasya atĩĩ,
“Mũsikatei maũndũ ma ũvũngũ! Nĩtũmũsikate!”
Maendeeaa kũneena mayasya, “No kwĩthĩwa akengeka,
na tũimũsinda na kwĩyĩĩvanĩsya vala ũĩ.”
11Ĩndĩ we Mwĩai Ngai,
kwakwa ũilyĩ ta mũsikalĩ ngũmbaũ wa kũtĩsya;
kwondũ wa ũu ala manthĩnasya makaluluutĩka,
maikanzinda.
Makasonokw'a mũno nũndũ makaemwa,
nthoni syoo iikola o na ĩndĩĩ.
12Ame Mwĩai Ngai Mwene Ũtonyi W'onthe, we ũla ũtataa ala alũngalu,
we ũla wonaa kĩla kĩ ngoonĩ na kĩlĩkonĩ kya mũndũ,
nĩkũvoya ũndĩvanĩsye vala maĩ,
nũndũ nue nĩnengete thayũ wakwa.
13Mwinĩei Mwĩai Ngai;
mũtaĩei Mwĩai Ngai!
Nĩkwĩthĩwa nũvonoketye thayũ wa mũndũ mũthĩni,
akamumya ũtonyinĩ wa andũ athũku.
14 #
Yovu 3.1-19
Nũumanĩwe mũthenya ũla nasyaiwe!
Mũthenya ũla mwaitũ wanzyaie ndũkaathimwe!
15Nĩaumanĩwe mũndũ ũla waeteie nau ũvoo amwĩa,
“Nĩwasyaĩwa kana ka kavĩsĩ,”
na atuma nau atana mũno.
16Mũndũ ũsu nĩethĩwe ta ndũa ila Mwĩai Ngai waanangie vate tei.
Nĩew'ae kĩĩo kwakya,
na ayĩw'a wasya wa kaũ mũthenya katĩ,
17nĩkwĩthĩwa ndaambũaa nĩ o ĩvunĩ,
na kwoou mwaitũ aitw'ĩka mbũa yakwa,
akekalaa anguĩte tene na tene.
18Nĩkĩ nasyaiwe nonae thĩna na woo,
na kwĩkalaa thayũ wa nthoni?
Currently Selected:
Yel 20: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
