Yel 15
15
Andũ ma Yuta Makaminwa
1 #
Kuma 32.11-14; Mot 14.13-19; 1Sam 7.5-9 Nĩvo ĩndĩ Mwĩai Ngai waneenie nakwa ambĩa atĩĩ, “O na kethĩwa Mwose na Samũeli no maũngame mbee wakwa mambĩsũve, ndyĩw'ĩa andũ aa tei. Malũngye maũme mbee wakwa, mathi vyũ! 2#Ũvu 13.10 Na ethĩwa nĩmeũkũkũlya, ‘Twĩthi va?’ Masũngĩe ũmee atĩĩ: Ũũ nĩ w'o nyie Mwĩai Ngai ngwasya,
‘Ala matw'ĩĩwe kũawa nĩ ũwau mũthũku mathi makoawe nĩ w'o,
ala matw'ĩĩwe kũaĩwa kaũnĩ nĩmakoaĩwe kw'o,
ala matw'ĩĩwe kũawa nĩ yũa mathi makoawe nĩ yo,
na ala matw'ĩĩwe kũtavwa matwawe nthĩ ya ũeninĩ nĩmatavwe.’
3“Nyie Mwĩai Ngai nĩndw'ĩte kũmaetee maũndũ ana ma kũmamina: Makooaĩwa kaũnĩ, makatembũangwa nĩ ngitĩ, makaĩwa na kũminwa nĩ nyũnyi na nyamũ sya kĩthekanĩ. 4#2Asu 21.1-16; 2Mav 33.1-9 Ngameka ũndũ nginya mosumbĩ onthe ĩũlũ wa nthĩ mateleme. Ngameka ũu ngĩĩvanĩsya mothũku ala Manase mũsumbĩ wa Yuta, mwana wa Esekia, weekie ndũanĩ ya Yelũsalemu.
5“Nũũ wĩmwĩw'ĩa tei inyw'ĩ andũ ma Yelũsalemu?
Kana nũũ wĩmũĩĩa?
Nũũ wĩathũkĩla kwenyu amanye ũndũ mũendee?
6Inyw'ĩ nĩmũndeete nyie Mwĩai Ngai,
mũendee kũsyoka na ĩtina.
Kwoou nĩnĩmũkĩlĩlye kw'oko kwakwa ngamũkũna na ngamũmina;
nĩnĩnoete nĩ kũmũekea.
7Mũvĩanĩ wa kĩla ndũa nĩnĩmaũlũkĩtye,
o tondũ mũndũ ũũlũkasya lĩu wa mbaa mbeke kĩvũĩonĩ.
Nĩnũaĩte syana syoo, nĩnĩminĩte andũ makwa,
nũndũ mayaatia mĩendele yoo mĩthũku.
8Nĩningĩvĩtye aka ndiwa katĩ woo,
nĩ aingĩ mbee wa kĩthangathĩ kya ũkanga.
Nĩnĩtũmĩte mũmaitha akoaa anake ma mũika mũthenya katĩ,
aainyia moo makatiwa na kyeva;
nĩnĩtumĩte woo na motĩsyo imakwata kwa kĩthũlũmũko.
9Mũndũ mũka ũla ũsyaĩte syana mũonza nũkũthela vinya,
na nũkũvevaveva;
syũa yake yĩthũĩte kwĩo mũthenya,
nĩmũsonokye na akanangĩwa ndaĩa.
Ala moo matialĩte ngamanengane moawe na ũvyũ nĩ amaitha moo.”
Nĩasya ũu nyie Mwĩai Ngai.
Yelemia Ainyungunyĩsya kũla kwĩ Mwĩai Ngai ĩngĩ
10Mwaitũ, kyeva nĩ kwakwa nĩkwĩthĩwa nĩwanzyaie, natw'ĩka mũndũ wa kũtetw'a na kũkananĩw'a nĩ andũ onthe ma nthĩ ĩno! Ndyaakovethya mũndũ kĩndũ, na vai mũndũ naakova kĩndũ, ĩndĩ onthe nĩmanumanĩaa. 11Ame Mwĩai Ngai, eka iumo syoo ingwate ethĩwa ndyaamavoyea ũseo kwaku, na ethĩwa ndyaakwĩsũva kwondũ woo ĩvinda yĩla mathĩnaw'a na kũnyamaw'a nĩ amaitha moo! 12Ve mũndũ ũtonya kũtũlany'a kyũma kĩla kyumĩte ngalĩko ya ĩũlũ kana akatũlany'a mbulonzi?
13Mwĩai Ngai easya atĩĩ, “Nganengane ũthwii wenyu na syĩndũ syenyu syĩthĩwe mũtavo. Yĩu nĩ yo yĩĩthĩwa ĩtuvi ya naĩ syenyu ila mwĩkĩte kĩla vandũ nthĩ yenyu. 14Ngatuma mũthũkũma amaitha menyu nthĩ mũtamĩsĩ, nũndũ ũthatu wakwa nĩwakanĩtye mwaki ũtakavoa tene na tene.”
15Nĩvo ĩndĩ naisye atĩĩ,
“Ame Mwĩai Ngai nĩwĩsĩ maũndũ onthe,
ndilikane na ũyũka ũndethye,
na ũindĩvanĩsya kũla kwĩ ala manthĩnasya.
Nũndũ wa wũmĩĩsyo waku ndũkambete,
nũndũ nĩwĩsĩ kana nĩnĩvũthaw'a nũndũ waku.
16Yĩla waneenie nakwa,
nĩneethukĩĩisye ndeto syaku;
ndeto syaku nĩsyandeteie ũtanu na syendeesya ngoo yakwa,
nũndũ nyie nĩ waku,
we Mwĩai Ngai Mwene Ũtonyi W'onthe.
17Ndyaaĩkalany'a na ala mathekaa, o na ndyaatana,
ĩndĩ nekalile nĩ nyioka nĩkwĩthĩwa vinya waku waĩ ĩũlũ wakwa,
na nĩwambusũĩtye ũthatu.
18Woo wakwa ũleaa kũthela nĩkĩ?
Nasyo itau syakwa ileaa kũvoa nĩkĩ?
Yu we wĩenda kũnzonokya,
ũndũ kalũsĩ kala kang'alaa kasonokasya?”
19Kwoou Mwĩai Ngai easya atĩĩ,
“Ethĩwa ũkanzyokea ngakwĩkalya ũndũ wailyĩ mbeenĩ,
naku ũkanthũkũma ĩngĩ.
Ethĩwa ũkaneenaa kĩla kyaĩlĩte na ti kĩla kĩtaĩlĩte,
ũkaneena ũtũmani wakwa.
Andũ ma Yuta makakwĩthukĩĩsya,
ĩndĩ we ndũkamethukĩĩsya.
20Ngakũtw'ĩkĩthya ta ũkũta mũlũmu wa mbulonzi kwa andũ aa;
makokita naku ĩndĩ maikakũsinda,
nũndũ nyie nĩ vamwe naku,
nĩ kana ngũtangĩĩe na ũkũvonokya.
Nĩasya ũu nyie Mwĩai Ngai.
21Ngakũvonokya kuma ũtonyinĩ wa andũ athũku,
na ngĩkwovosya kuma vinyanĩ wa andũ athe.”
Currently Selected:
Yel 15: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
