Ĩsa 4

1Ĩvindanĩ yĩu aka mũonza makakwata mũndũ-ũme ũmwe na kũmwĩa atĩĩ, “Tũkaĩsaa lĩu witũ ene na kwĩvw'ĩkaa ngũa sitũ ene, ĩndĩ mwa nĩtũũkwĩsũva, eka twasyae kana wĩ mũũme waitũ, nĩ kana tũikaendee kwĩthĩwa na nthoni sya kwĩthĩwa tũte atwae.”

Ndũa ya Yelũsalemu Ĩkatũngĩĩwa

2Mũthenyanĩ ũsu, ũvonge ũla Mwĩai Ngai wĩumĩlya ũkeethĩwa wĩ mwanake na wa ndaĩa, na ũsyao wa nthĩ ũkeethĩwa wĩ mũseo mũno na mwaĩlu kwa andũ onthe ma Ĩsilaeli ala makatiala. 3Onthe ala metiwa Saioni, ala makatiala Yelũsalemu makeetawa atheu, onthe ala maandĩkĩtwe mekale Yelũsalemu. 4Mwĩai Ngai akathesya ĩko yonthe ya aka ma Saioni, na aithesya ĩvĩtyo ya Yelũsalemu na nthakame ĩla yetiwe vo, aitũmĩa veva wa kũsilĩla na veva wa kũvĩvya. 5#Kuma 13.21; 24.16 Nĩvo ĩndĩ Mwĩai Ngai wĩetee Kĩĩma kya Saioni na ala mombanĩe vo ĩtu mũthenya, na syũki na mwaki wakanĩte nesa ũtukũ. Ũtheu mũtisu wa Ngai ũkavw'ĩka na kũsũvĩa ndũa yonthe. 6Ũtheu ũsu mũtisu ũkeethĩwa muunyĩ wa kũsiĩĩa ũvyũvu wa mũthenya, na vandũ va kũkĩĩa na kwĩvitha iuutani na mbua.

Currently Selected:

Ĩsa 4: KAMBA

Highlight

Copy

Compare