1Mav 8
8
Nzyawa sya Mbengyameni
1Ana ma Mbengyameni maĩ atano; ũla mũkũũ eetawa Mbela, wa kelĩ Asiveli, wa katatũ Aiala, 2wa kana Noia, na wa katano eetawa Lavia.
3Ana ma Mbela maĩ Atali, Ngela, Aviiuti, 4Avisua, Naamani, Aoa, 5Ngela, Suvamu na Ulamu.
6Andũ aa nĩmo nzyawa sya Euti, ala maĩ atongoi ma mĩsyĩ ya andũ ala matwĩe Ngeva, ala makwatiwe matwawa nthĩ ya ũeninĩ ndũanĩ ya Manaathi: 7Naamani, Aiya na Ngelali, ũla wamatwaie nthĩ ya ũeninĩ. Ngela aĩ ĩthe wa Usa na Aiuti.
8Saalaimi amina kũlũngya iveti syake Usimu na Mbaala, nĩweethĩiwe na syana e nthĩ ya Moavi. 9Nĩwasyaĩiwe ana nĩ mũka wake Otesi. Ana asu maĩ Yovavu, Nzivia, Mesa, Malikamu 10Yeusi, Sakia na Milima. Ana asu nĩmo maĩ atongoi ma mĩsyĩ ya aaũmae.
11Nake Usimu nĩwamũsyaĩie ana elĩ: Avituvu na Elivaali.
12Ana ma Elivaali maĩ Eveli, Misamu na Semeti ũla waakie ndũa sya Ono na Loti na motũi ala maithyũlũlũkĩte, 13Mbelia na Sema nĩmo maĩ atongoi ma mĩsyĩ ĩla yatwĩe ndũanĩ ya Aiyaloni, na malũngya andũ ala matwĩe ndũanĩ ya Ngathi.
14Ana ma Mbelia maĩ Aio, Sasaki, Yelemothi, 15Nzevatia, Alati, Eteli, 16Mikaeli, Isiva na Yoa.
Nzyawa Sya Mbengyameni ila Syatwĩe Yelũsalemu
17Nzevatia, Mesulamu, Isiki, Eveli, 18Isimelai, Isilia na Yovavu, maĩ ana ma Elivaali.
19Yakimu, Nzikili, Nzaveti 20Elienai, Nzilethai, Elieli, 21Ataia, na Similathi maĩ ana ma Simei.
22Isivani, Eveli, Elieli, 23Avitoni, Nzikeli, Aanamu, 24Aanania, Elamu, Anithothiya, 25Iveteia na Venueli, maĩ ana ma Sasaki.
26Samuselai, Seaalia, Athalia, 27Yaalesia, Eliya na Nzikili, maĩ ana ma Yeloamu.
28Asu onthe nĩmo maĩ atongoi ma andũ ma mĩsyĩ yoo na anene moo, o tondũ kũandĩkĩtwe mosyaanĩonĩ moo. Matwĩe Yelũsalemu.
Nzyawa Sya Mbengyameni ila Syatwĩe Ngiveoni na Yelũsalemu
29Yeieli nĩwe wambĩlĩĩlye ndũa ya Ngiveoni na atwĩe vo. Mũka wake eetawa Maaka. 30Mwana wake ũla mũkũũ eetawa Avitoni. Ana ala angĩ make maĩ Nzuli, Kisi, Mbaali, Natavu, 31Ngetoli, Aio, Nzekeli, 32na Mikilothi ĩthe wa Simea. O namo asu matwĩe Yelũsalemu vakuvĩ na andũ ala angĩ ma mũsyĩ woo.
Andũ ma mũsyĩ wa Mũsumbĩ Saũlo
(1Mav 9.35-44)
33Neli aĩ ĩthe wa Kisi, nake Kisi aĩ ĩthe wa Saũlo. Saũlo aĩ ĩthe wa Yonathani, Malikisuua, Avinatavu na Esi-mbaali. 34Yonathani aĩ ĩthe wa Meli-mbaali, nake Meli-mbaali aĩ ĩthe wa Mika.
35Ana ma Mika maĩ Vithoni, Meleki, Talea na Aasu. 36Aasu aĩ ĩthe wa Yeoata. Ana ma Yeoata maĩ Alemethi, Asimavethi na Nzimili. Nzimili aĩ ĩthe wa Mosa. 37Mosa aĩ ĩthe wa Mbinea, Mbinea aĩ ĩthe wa Lava, Lava aĩ ĩthe wa Eleasa, nake Eleasa aĩ ĩthe wa Aseli.
38Aseli aĩ na ana thanthatũ: Asilikamu, Mbokelu, Ĩsumaeli, Sealia, Ovatia na Aananu. 39Ana ma Eseki mwana-a-inyia wa Aseli maĩ Ulamu, Yeusi na Eliveleti.
40Ana ma Ulamu maĩ asikalĩ ngũmbaũ na matũmĩaa ũta. Ũtalo wa ana na esũkũũe ma Ulamu ma aũme, waĩ andũ ĩana na mĩongo ĩtano.
Asu onthe maĩ nzyawa sya Mbengyameni.
Currently Selected:
1Mav 8: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
