1Mav 7

Nzyawa sya Isakali

1Ana ma Isakali maĩ ana: Tola, Vua, Yasuvu na Similoni. 2Ana ma Tola maĩ Ũsisi, Levaia, Yelieli, Yamai, Ivisamu na Semũeli. Asu maĩ atongoi ma andũ ma mĩsyĩ ya Tola. Andũ ma mũsyĩ wa Tola maĩ asikalĩ ngũmbaũ, na ũtalo woo ĩvindanĩ yĩla Ndeviti wasumbĩkĩte, waĩ andũ ngili mĩongo ĩlĩ na ilĩ na maana thanthatũ.

3Ũsisi aĩ na mwana ũmwe weetawa Ĩsilaia. Ana ma Ĩsilaia maĩ Mikaeli, Ovatia, Yoeli na Isiya. Me atano maĩ atongoi. 4Kwĩanana na ũtalo wa mosyaanĩo ma nyũmba syoo, maĩ na aũme ngili mĩongo ĩtatũ na thanthatũ matonya kũthi kaũnĩ. Maingĩvĩte ũu nũndũ maĩ na iveti mbingĩ na syana mbingĩ. 5Andũ onthe ma mĩsyĩ ya mbaĩ ya Isakali, ala maĩ matonya kũthi kaũnĩ, matalĩtwe kwĩanana na mosyaanĩo moo, maĩ ngili mĩongo nyanya na mũonza.

Nzyawa sya Mbengyameni na Ndani

6Ana ma Mbengyameni maĩ atatũ: Mbela, Mbekeli na Yetiaeli.

7Ana ma Mbela maĩ atano: Esivoni, Ũsisi, Usieli, Yelimothi, na Ili. Asu maĩ atongoi ma andũ ma mĩsyĩ yoo, na onthe maĩ asikalĩ me nguma. Ũtalo woo kwĩanana na mosyaanĩo moo, waĩ asikalĩ ngili mĩongo ĩlĩ na ilĩ na mĩongo ĩtatũ na ana matonya kũthi kaũnĩ.

8Ana ma Mbekeli maĩ Nzemila, Yoasi, Elieseli, Elioenai, Omili, Yelemothi, Aviya, Anathothi na Alemethi. Asu onthe maĩ ana ma Mbekeli. 9Ũtalo woo ũla waandĩkĩtwe kwĩanana na mosyaanĩo moo, waĩ asikalĩ ngili mĩongo ĩlĩ na maana elĩ matonya kũthi kaũnĩ.

10Yetiaeli aĩ na mwana ũmwe, nake eetawa Mbiliani. Ana ma Mbiliani maĩ Yeusi, Mbengyameni, Euti, Kenaana, Nzethani, Talisisi na Aisaali. 11Ana asu onthe ma Yetiaeli maĩ atongoi ma mĩsyĩ yoo. Vaĩ asikalĩ ngũmbaũ ngili ĩkũmi na mũonza na maana elĩ, meyũmbanĩtye kũthi kaũnĩ.

12Ana ma Ili maĩ Suvimu na Uvimu. Usimu aĩ mwana wa Aeli.

Nzyawa sya Navutalĩ

13Ana ma Navutalĩ maĩ Yanzieli, Nguni, Yeseli na Salumu. Ana asu maĩ nzyawa sya Mbila.#7.13 Mbila: Kĩveti mũthũkũmi kya Yakovo kĩla kyamũsyaĩie Ndani na Navutalĩ.

Nzyawa Sya Manase

14Manase nĩwasyaĩiwe ana elĩ nĩ kĩveti kyake kya ndũsyo kĩla kyaĩ Mũalamia. Ana asu maĩ Asilieli na Makili. Makili nĩwe waĩ ĩthe wa Ngileati. 15Makili nĩwatwaĩie Uvimu na Suvimu iveti. Mwĩĩtu-a-inyia wa Makili eetawa Maaka. Mwana wa kelĩ wa Makili eetawa Nzeloveati. Syana sya Nzeloveati syaĩ eĩtu athei.

16Maaka mũka wa Makili nĩwasyaie kavĩsĩ na aketa Velesi. Mwana-a-inyia wa Velesi eetawa Selesi. Ana ma Selesi maĩ Ulamu na Lakemu. 17Ulamu aĩ na mwana weetawa Mbetani. Asu onthe nĩ nzyawa sya Ngileati mwana wa Makili, mwĩsũkũũe wa Manase.

18Amolekethi mwĩĩtu-a-inyia wa Ngileati aĩ na ana atatũ: Isiotu, Avieseli na Maala.

19Ana ma Semita maĩ Aiani, Sekemu, Liki na Aniamu.

Nzyawa sya Evalaimu

20Ii nĩsyo nzyawa sya Evalaimu; Evalaimu aĩ ĩthe wa Suthela, Suthela aĩ ĩthe wa Mbeleti. Mbeleti aĩ ĩthe wa Taathi, Taathi aĩ ĩthe wa Eleata, Eleata aĩ ĩthe wa Taathi, 21Taathi aĩ ĩthe wa Nzavati, nake Nzavati aĩ ĩthe wa Suthela, Eseli na Eleati.

Eseli na Eleati nĩmooaiwe nĩ andũ ala masyaĩwe nthĩ ya Ngathi, yĩla maendie kũtava indo sya andũ asu. 22Ĩthe woo Evalaimu nĩweethĩiwe na ĩvinda ya kyeva nũndũ woo vandũ va mĩthenya mingĩ; andũ ma mũsyĩ wake nĩmookie kũmũkiakisya. 23Evalaimu nĩwamanyanie kĩ-mwĩĩ na mũka wake na aitava na asyaa kavĩsĩ. Nĩwaketie Mbelia#7.23 Mbelia: Ĩsyĩtwa yĩĩ kĩthyomonĩ kya Kĩevelania yĩtamũkĩkaa ta ndeto ĩla ũalyũlo wayo nĩ ũndũ mũthũku mũno. nũndũ mũsyĩ wake nĩwakwatĩtwe nĩ ũndũ ũsu ũthũku mũno.

24Evalaimu aĩ na mwĩĩtu weetawa Seela. Seela nĩwe waakie ndũa ya Mbethi-oloni ya ĩũlũ, ya Mbethi-oloni ya ĩtheo, na ya Useni-Seela.

25Evalaimu o ta ũu aĩ na mwana weetawa Levia. Levia aĩ ĩthe wa Lesevu, Lesevu aĩ ĩthe wa Tela, Tela aĩ ĩthe wa Taani, 26Taani aĩ ĩthe wa Latani, Latani aĩ ĩthe wa Amiuti, Amiuti aĩ ĩthe wa Elisama, 27Elisama aĩ ĩthe wa Nuni, nake Nuni aĩ ĩthe wa Yosua.

28Kĩsio kya nthĩ kĩla moosie na matũa kyaĩ ndũa ya Mbethi-eli na motũi ala mamĩthyũlũlũkĩte, kũthi kũvika Naalani ngalĩko ya wumĩlonĩ wa syũa, na kũendeea nginya ndũanĩ ya Ngeseli, ĩla yĩ ngalĩko ya ũthũĩlonĩ wa syũa na motũi ala mamĩthyũlũlũkĩte. O ta ũu kĩsio kĩu kyaĩ vamwe na ndũa ya Sekemu na Aya na motũi ala maithyũlũlũkĩte.

29Mĩvakanĩ ya kĩsio kya nthĩ ya Manase kwaĩ ndũa ya Mbethi-sani, Taanaki, Mekito na ya Ndoli, o vamwe na motũi ala maithyũlũlũkĩte. Nzyawa sya Yosevu mwana wa Yakovo syatwĩe ndũanĩ isu.

Nzyawa sya Aseli

30Ii nĩsyo nzyawa sya Aseli: Ana ma Aseli maĩ Imina, Isiva, Isivi na Mbelia. Mwĩĩtu-a-inyia woo eetawa Sela.

31Ana ma Mbelia maĩ Eveli na Malikieli. Malikieli nĩwe wambĩlĩĩlye ndũa ya Mbilisaithi.

32Ana ma Eveli maĩ Yavileti, Someli na Othamu. Mwĩĩtu-a-inyia woo eetawa Suua.

33Ana ma Yavileti maĩ Vasaki, Mbimali, na Asivathi.

34Ana ma Someli maĩ Aai, Loka, Yeuva na Alamu. 35Ana ma Elemu mwana-a-inyia wake maĩ Nzova, Imuna, Selesi na Amali.

36Ana ma Nzova maĩ Sua, Alineveli, Suali, Mbeli, Imala, 37Mbeseli, Otu, Siama, Silisa, Ithilani na Mbeela.

38Ana ma Yetheli maĩ Yevune, Visiva na Ala.

39Ana ma Ula maĩ Alaa, Anieli, na Lisia.

40Asu onthe nĩmo nzyawa sya Aseli. Maĩ atongoi ma nyũmba sya aaĩthe, andũ anyuve, asikalĩ ngũmbaũ na atongoi me nguma. Ũtalo wa aũme ala maĩ matonya kũthi kaũnĩ o tondũ maandĩkĩtwe mosyaanĩonĩ moo, waĩ ngili mĩongo ĩlĩ na thanthatũ.

Currently Selected:

1Mav 7: KAMBA

Highlight

Copy

Compare