1Mav 3

Nzyawa sya Mũsumbĩ Ndeviti

(2Sam 3.2-5; 5.1-13; 1Mav 14.3-7)

1Aa nĩmo ana ma Ndeviti ala masyaiwe yĩla waĩ Eviloni: Mwana wa mbee aĩ Aminoni ũla inyia wake weetawa Ainoamu na waĩ Mũyesileeli. Mwana wa kelĩ aĩ Ndanieli ũla inyia wake weetawa Avikaili na waĩ Mũkalimeli. 2Mwana wa katatũ aĩ Avisalomu mwana wa Maaka, mwĩĩtu wa Talimai mũsumbĩ wa Ngesuli; wa kana aĩ Atoniya mwana wa Akithi; 3wa katano aĩ Sevatia mwana wa Avitali; wa thanthatũ aĩ Ithileamu mwana wa Ekila. 4#2Sam 5.4-5; 1Asu 2.11; 1Mav 29.27 Ndeviti asyaĩiwe syana isu e Eviloni, vala wasumbĩkie vandũ va myaka mũonza na myei thanthatũ. O ta ũu Ndeviti nĩwasumbĩkie vandũ va myaka mĩongo ĩtatũ na ĩtatũ e Yelũsalemu. 5#2Sam 11.3 Ndeviti nĩwasyaĩiwe ana aa e Yelũsalemu; Simea, Sovavu, Nathani na Solomoni. Nyinyia wa ana asu eetawa Mbathi-sieva mwĩĩtu wa Amieli.

6Ndeviti aĩ na ana angĩ kenda namo nĩ: Iviali, Elisama, Eliveleti, 7Noka, Neveki, Yavia, 8Elisama, Eliata na Eliveleti. 9O vamwe na ana asu ma Ndeviti onthe, Ndeviti aĩ na ana angĩ masyaĩtwe nĩ iveti syake sya ndũsyo. Tamalĩ aĩ mwĩĩtu-a-inyia wa ana ma Ndeviti.

Nzyawa sya Mũsumbĩ Solomoni

10Ii nĩsyo nzyawa sya Solomoni: Solomoni aĩ ĩthe wa Leovoamu, Leovoamu aĩ ĩthe wa Aviya, Aviya aĩ ĩthe wa Asa, Asa aĩ ĩthe wa Yeosavati, 11Yeosavati aĩ ĩthe wa Yolamu, Yolamu aĩ ĩthe wa Aasia, Aasia aĩ ĩthe wa Yoasi, 12Yoasi aĩ ĩthe wa Amasia, Amasia aĩ ĩthe wa Usia, nake Usia aĩ ĩthe wa Yothamu. 13Yothamu aĩ ĩthe wa Aasu, Aasu aĩ ĩthe wa Esekia, nake Esekia aĩ ĩthe wa Manase. 14Manase aĩ ĩthe wa Amoni, nake Amoni aĩ ĩthe wa Yosia. 15Ana ma Yosia maĩ ana. Mwana wake wa mbee aĩ Yoanani, wa kelĩ aĩ Yeoiakimu, wa katatũ aĩ Nzetekia, na wa kana aĩ Salumu. 16Ana ma Yeoiakimu maĩ Yekonia na Nzetekia.

Nzyawa sya Yekonia

17Ii nĩsyo nzyawa sya Mũsumbĩ Yekonia, ũla wakwatiwe atwawa Mbavilonĩ e mwove. Ana make maĩ Sealitieli, 18Malikilamu, Vetaia, Senasali, Yekamia, Osama na Netavia. 19Ana ma Vetaia maĩ Nzelũvaveli na Simei. Ana ma Nzelũvaveli maĩ Mesulamu na Aanania. Masyaanĩw'e na mwĩĩtu weetawa Selomithi. 20O ta ũu Nzelũvaveli aĩ na ana angĩ atano: Asuva, Oeli, Mbelekia, Asatia na Yusavu-eseti.

21Ana ma Aanania maĩ Velatia na Yesaia. Yesaia aĩ ĩthe wa Levaia, Levaia aĩ ĩthe wa Alinani, Alinani aĩ ĩthe wa Ovatia, Ovatia aĩ ĩthe wa Sekania. 22Sekania aĩ na mwana ũmwe weetawa Semaia. Semaia aĩ na ana atano ala nĩ Atusi, Ikali, Mbalia, Nealia na Savati. 23Ana ma Nealia maĩ atatũ: Elioenai, Esekia na Asilikamu. 24Elioenai aĩ na ana mũonza. Ana asu maĩ Otavia, Eliasivu, Velaia, Akuvu, Yoanani, Ndelaia na Anani.

Currently Selected:

1Mav 3: KAMBA

Highlight

Copy

Compare