1Mav 2

Ana ma Yakovo

1Ana ma Yakovo maĩ Lũveni, Simioni, Livai, Yuta, Isakali, Nzevuluni, 2Ndani, Yosevu, Mbengyameni, Navutalĩ, Ngandi na Aseli.

Nzyawa Sya Yuta

3Ana ma Yuta maĩ Eeli, Onani na Siela. Nyinyia woo aĩ Mũkanaani, na aĩ mwĩĩtu wa Suua. Eeli mwana wa Yuta ũla mũkũũ aĩ mũthũku mũno nginya Mwĩai Ngai amũaa. 4Tamalĩ mũka-a-mwana wa Yuta nĩwamũsyaĩie ana elĩ, ala nĩ Velesi na Nzela. Ana ma Yuta onthe maĩ atano.

5Ana ma Velesi maĩ Esiloni na Amuli. 6Ana ma Nzela maĩ Nzimili, Ethani, Emani, Kalikoli na Ndalita; onthe maĩ atano. 7#Yos 7.1 Akali aĩ mwana wa Kalimi. Akali nĩwatumie andũ ma Ĩsilaeli makwatwa nĩ ũndũ ũthũku, yĩla woosie syĩndũ ila syatavĩtwe kaũnĩ, na syavathĩtwe syanangwe.

8Mwana wa Ethani aĩ Asalia.

Mosyaanĩo ma Mũsumbĩ Ndeviti

9Ana ma Esiloni maĩ Yelameeli, Lamu na Keluvai. 10Lamu aĩ ĩthe wa Aminatavu, nake Aminatavu aĩ ĩthe wa Nasoni, ũla waĩ mũnene wa mbaĩ ya Yuta. 11Nasoni aĩ Ĩthe wa Salima, nake Salima aĩ ĩthe wa Mboasi. 12Mboasi aĩ ĩthe wa Oveti, nake Oveti aĩ ĩthe wa Yese. 13Mwana wa Yese ũla mũkũũ aĩ Eliavu, wa kelĩ aĩ Avinatavu, wa katatũ aĩ Simea, 14wa kana aĩ Nethaneli, wa katano aĩ Latai, 15wa thanthatũ aĩ Osemu na wa mũonza aĩ Ndeviti. 16Eĩtu-a-inyia ma ana asu ma Yese maĩ Nzeluia na Avikaili. Ana ma Nzeluia atatũ maĩ Avisai, Yoavu na Asaeli. 17Avikaili aĩ inyia wa Amasa; ĩthe wa Amasa aĩ Yetheli ũla waĩ Mũĩsumaeli.

Nzyawa Sya Esiloni

18Kalevu mwana wa Esiloni nĩwatwaie Asuva, nake amũsyaĩa mwĩĩtu weetawa Yeliothi. Yeliothi asyaie ana aa: Yesieli, Sovavu na Alitoni. 19Asuva akw'a Kalevu nĩwatwaie Evilathi; Evilathi nĩwamũsyaĩie Uulu. 20Uulu aĩ ĩthe wa Ũli, nake Ũli aĩ ĩthe wa Mbesaleli.

21Esiloni e na ũkũũ wa myaka mĩongo thanthatũ, nĩwatwaie mwĩĩtu-a-inyia wa Ngileati; mwĩĩtu ũsu na Ngileati maĩ syana sya Makili. Esiloni nĩwamanyanie kĩ-mwĩĩ na mwĩĩtu ũsu na asyaa Sekuvu. 22Sekuvu aĩ ĩthe wa Yaili. Yaili asumbĩkĩte ndũa mĩongo ĩlĩ na itatũ kĩsionĩ kya nthĩ ya Ngileati. 23Ĩndĩ andũ ma Ngesuli na ma Alamu nĩmavithũkĩie na moosa ndũa mĩongo thanthatũ sya kĩsio kĩu, ila syaĩ vamwe na motũi ma Yaili na Kenathi, na ndũa ila syaĩ vakuvĩ. Andũ onthe ala matwĩe vau maĩ nzyawa sya Makili ĩthe wa Ngileati. 24Ĩtina wa kĩkw'ũ sya Esiloni, Kalevu mwana wake nĩwatwaie Evilathi. Evilathi aĩ mũka wa ĩthe wa Kalevu. Evilathi nĩwasyaĩie Kalevu mwana weetawa Asuli, ĩthe wa Tekoa.

Nzyawa sya Yelameeli

25Ana ma Yelameeli mwana ũla mũkũũ wa Esiloni, maĩ Lamu mwana wake ũla mũkũũ, Mbuna, Oleni, Osemu na Aiya. 26Yelameeli aĩ na kĩveti kĩngĩ kyeetawa Atala. Atala nĩwe waĩ inyia wa Onamu. 27Ana ma Lamu mwana ũla mũkũũ wa Yelameeli maĩ Maasi, Yamini na Ekeli. 28Ana ma Onamu maĩ Samai na Yata. Ana ma Samai maĩ Natavu na Avisuli.

29Mũka wa Avisuli eetawa Aviaili. Aviaili asyaĩie Avisuli ana elĩ; Avani na Moliti. 30Ana ma Natavu maĩ Seleti na Avaimu. Seleti akwie ate mwana. 31Isi mwana wa Avaimu aĩ ĩthe wa Sesani. Sesani aĩ ĩthe wa Alai.

32Ana ma Yata mwana-a-inyia wa Samai maĩ Yetheli na Yonathani. Yetheli akwie ate mwana. 33Ana ma Yonathani maĩ Velethi na Nzasa. Asu onthe maĩ nzyawa sya Yelameeli.

34Sesani ndaĩ na ana aũme ĩndĩ aĩ o na eĩtu. Aĩ na mũthũkũmi kuma Misili weetawa Yalia. 35Sesani nĩwanenganie mwĩĩtu wake atwawe nĩ mũthũkũmi wake Yalia. Mwĩĩtu ũsu nĩwasyaĩie Yalia mwana weetawa Atai. 36Atai aĩ ĩthe wa Nathani, nake Nathani aĩ ĩthe wa Nzavati. 37Nzavati aĩ ĩthe wa Evilali, nake Evilali aĩ ĩthe wa Oveti. 38Oveti aĩ ĩthe wa Yeũ, nake Yeũ aĩ ĩthe wa Asalia. 39Asalia aĩ ĩthe wa Elesu, nake Elesu aĩ ĩthe wa Eleasa. 40Eleasa aĩ ĩthe wa Sisamai, nake Sisamai aĩ ĩthe wa Salumu. 41Salumu aĩ ĩthe wa Yekamia, nake Yekamia aĩ ĩthe wa Elisama.

Nzyawa Sya Kalevu

42Mwana ũla mũkũũ wa Kalevu mwana-a-inyia wa Yelameeli eetawa Mesa. Mesa aĩ ĩthe wa Nzivu. Nzivu aĩ ĩthe wa Malesa, nake Malesa aĩ ĩthe wa Eviloni. 43Ana ma Eviloni maĩ Kola, Tavua, Lekemu na Sema. 44Sema aĩ ĩthe wa Laamu, na aĩ ũmae wa Yolikeamu. Lekemu mwana-a-inyia wa Sema aĩ ĩthe wa Samai. 45Samai aĩ ĩthe wa Maoni, nake Maoni aĩ ĩthe wa Mbethi-suli.

46Kalevu aĩ na kĩveti kyake kya ndũsyo kyeetawa Evaa. Evaa nĩwasyaĩie Kalevu ana angĩ atatũ. Ana asu maĩ Aalani, Mosa na Ngasesi. Aalani o ta ũu aĩ na mwana weetawa Ngasesi.

47Ana ma Yatai maĩ, Lekemi, Yothamu, Ngesani, Veleti, Evaa na Saavu.

48Kalevu aĩ na kĩveti kĩngĩ kyake kya ndũsyo kyeetawa Maaka. Maaka nĩwasyaĩie Kalevu ana elĩ; Sevelu na Tiliana. 49Maaka o ta ũu nĩwasyaie ana angĩ elĩ; Saavu ũla wambĩlĩĩlye ndũa ya Matimana, na Sieva ũla wambĩlĩĩlye ndũa ya Ngivea.

O ta ũu Kalevu aĩ na mwĩĩtu weetawa Akisa.

50Kalevu o ta ũu aĩ na nzyawa ingĩ ila wasyaĩwe nĩ Evilatha mũka wake. Uli mwana wake wa mbee aĩ na ana atatũ: Sovali mwambĩlĩĩlya wa ndũa ya Kiliathi-yealimu, 51Salima mwana wake wa kelĩ nĩwe waĩ mwambĩlĩĩlya wa ndũa ya Mbetheleemu, na Elevu mwana wake wa katatũ nĩwe waĩ mwambĩlĩĩlya wa ndũa ya Mbethi-ngendeli. 52Nzyawa sya Sovali mwambĩlĩĩlya wa ndũa ya Kiliathi-yealimu syaĩ andũ ma Aloe, na andũ ma nyusu ya ndũa ya Menuothi. 53O ta ũu nzyawa isu syaĩ vamwe na mĩsyĩ ya andũ ma Kiliathi-yealimu, ĩla nĩ mĩsyĩ ya Athili, Avuthi, Asumathi na Amisilai. Mĩsyĩ ĩsu nĩyo wumo wa andũ ma ndũa ya Nzola na Esitaoli. 54Salima mwambĩlĩĩlya wa ndũa ya Mbetheleemu nĩwe waĩ ũmae wa andũ ma Netovathi, ma Atilothi-mbethi-yoavu, na nyusu ya andũ ma Menuothi ala nĩmo Aanzoli. 55Ĩĩ nĩyo mĩsyĩ ya aandĩki ala matwĩe Yavesu: Atilathi, Asimeathi na Asukathi. Asu nĩmo Akeni ala maumanĩte na Amathi mwambĩlĩĩlya wa mũsyĩ wa Lekavi.

Currently Selected:

1Mav 2: KAMBA

Highlight

Copy

Compare