1Mav 1

Nzyawa sya Atamu

(Mwa 5.1-32; 10.1-32; 11.10-26)

1Atamu aĩ ĩthe wa Sethi, Sethi aĩ ĩthe wa Enosi, Enosi aĩ ĩthe wa Kenani. 2Kenani aĩ ĩthe wa Maalaleli nake Maalaleli aĩ ĩthe wa Yaleti. 3Yaleti aĩ ĩthe wa Enoko, nake Enoko aĩ ĩthe wa Methũsela; Methũsela aĩ ĩthe wa Lameki, 4nake Lameki aĩ ĩthe wa Noa. Ana ma Noa maĩ atatũ namo nĩ Semu, Amu na Yavethi.

5Ana#1.5 Ana: Ndeto ĩno ũalyũlo wayo nĩtonya kwĩthĩwa wĩ Nzyawa, kana andũ ma mbaĩ. O ta ũu sisya mũsoa 6-10, 17 na 20. ma Yevethi maĩ Ngomeli, Makoki, Metai, Yavani, Tuvali, Meseki na Tilasi. 6Ana ma Ngomeli maĩ Asikenasi, Livathi na Tokalima. 7Ana ma Yavani maĩ Elisaa, Talisisi, Saivulasi na Lotesi.

8Ana ma Amu maĩ Kusi, Misili, Limbya na Kanaani. 9Ana ma Kusi maĩ Seva, Avila, Savita, Laama, na Saviteka. Ana ma Laama maĩ Sieva na Ndetani. 10Kusi nĩwe waĩ ĩthe wa Nimiloti ũla wesie kũtw'ĩka ngũmbaũ yĩ vinya mũno ĩũlũ wa nthĩ. 11Nzyawa sya Misili nĩsyo syaĩ andũ ma Lutimu, Anamu, Leavu, Navutu, 12Vatilusi, Kasilu na Kĩlete; Avilisiti maĩ nzyawa sya Akĩlete. 13Mwana ũla mũkũũ wa Kanaani aĩ Sitoni, na wa kelĩ aĩ Ethi. 14O ta ũu nzyawa sya Kanaani syaĩ Ayevusi, Aamoli, Angilikasi, 15Aivi, Aaliki, Asini, 16Alivati, Anzemali na Aamathi.

17Ana ma Semu maĩ, Elemu, Asuli, Alivakasandi, Luti, Alamu, Usi, Eli, Ngetheli, Meseki. 18Alivakasandi aĩ ĩthe wa Siela, nake Siela nĩ ĩthe wa Eveli. 19Eveli aĩ na ana elĩ, ũmwe eetawa Veleki, nũndũ ĩvindanĩ yake andũ ĩũlũ wa nthĩ maĩ aanĩku. Mwana-a-inyia wa Veleki eetawa Yokitani. 20Yokitani aĩ ĩthe wa Alimotati, Selevu, Asalimavethi, Yela, 21Atolamu, Usali, Ndikila, 22Evali, Avimaeli, Sieva, 23Ovili, Avila na Yovavu. Asu onthe nĩ nzyawa sya Yokitani.

24Mosyaanĩo ma Semu kũvika Avalaamu maatĩanĩe mailyĩ ta ũũ: Semu, Alivakasandi, Siela, 25Eveli, Veleki, Leũ, 26Selũki, Naoli, Tela, 27na Avalamu (ũla nĩwe Avalaamu).

Nzyawa sya Ĩsumaeli

(Mwa 25.12-16)

28Avalaamu aĩ na ana elĩ: Isaka na Ĩsumaeli. 29Ii nĩsyo nzyawa syoo: Mwana wa mbee wa Ĩsumaeli aĩ Nevaiothi, na ala angĩ ma Ĩsumaeli maĩ Ketali, Ativeeli, Mivisamu, 30Misima, Nduma, Masa, Aatati, Tema, 31Yetuli, Navisi na Ketema. Asu nĩmo ana ma Ĩsumaeli.

32Avalaamu aĩ na kĩveti kyake kya ndũsyo kyeetawa Ketula. Ketula nĩwe waĩ inyia wa Ngimilani, Yokisani, Metani, Mitiani, Isivaki na Suua. Ana ma Yokisani maĩ Sieva na Ndetani. 33Ana ma Mitiani maĩ Evaa, Evieli, Anoki, Avita na Elitaa. Asu onthe maĩ nzyawa sya Ketula.

Nzyawa sya Esaũ

(Mwa 36.1-19)

34Isaka mwana wa Avalaamu aĩ na ana Eli: Esaũ na Yakovo. 35Ana ma Esaũ maĩ Elivasi, Leueli, Yeusi, Yaalamu na Kola. 36Ana ma Elivasi maĩ Temani, Omali, Nzevo, Ngatamu, Kenasi, Timina na Amaleki. 37Ana ma Leueli maĩ Naathi, Nzela, Samama na Misa.

Andũ ma Mbee Kũtũa Etomu

(Mwa 36.20-30)

38Ana ma Seili maĩ, Lotani, Sovali, Nziveoni, Anaa, Ndisoni, Eseli na Ndisani. 39Ana ma Lotani maĩ Oli, na Omamu. Mwĩĩtu-a-inyia wa Lotani eetawa Timina. 40Ana ma Sovali maĩ, Aliani, Manaathi, Evali, Sevo na Onamu. Ana ma Nziveoni maĩ Aia na Anaa. 41Mwana wa Anaa eetawa Ndisoni. Ana ma Ndisoni maĩ Amilani, Esivani, Ithilani na Kelani. 42Ana ma Eseli maĩ Mbiliani, Nzaavani na Yakaani. Ana ma Ndisani maĩ Usi na Alani.

Asumbĩ ma Etomu

(Mwa 36.31-43)

43Aa nĩmo asumbĩ ala masumbĩkie nthĩ ya Etomu mbee wa andũ ma Ĩsilaeli matanethĩwa na mũsumbĩ o na ũmwe: Mbela mwana wa Mbeoli; ndũa ĩla waumĩte yeetawa Ndiniava. 44Mbela akw'a, Yovavu mwana wa Nzela kuma Mbosila nĩwe watw'ĩkie mũsumbĩ ĩtina wake. 45Yovavu akw'a, Usamu kuma nthĩ ya Atemani nĩwatw'ĩkie mũsumbĩ ĩtina wake. 46Usamu akw'a, Aatati mwana wa Mbetati, kuma ndũanĩ ya Avithi, nĩwatw'ĩkie mũsumbĩ ĩtina wake. Aatati nĩwasindie Amitiani me nthĩ ya Moavi. 47Aatati akw'a, Samala kuma nthĩ ya Maseleka nĩwatw'ĩkie mũsumbĩ ĩtina wake. 48Samala akw'a, Sauli kuma ndũanĩ ya Leovothi, vakuvĩ na Ũsĩ wa Euvalati nĩwatw'ĩkie mũsumbĩ ĩtina wake. 49Sauli akw'a, Mbaali-aanani mwana wa Akivoli nĩwatw'ĩkie mũsumbĩ ĩtina wake. 50Mbaali-aanani akw'a, Aatati kuma ndũanĩ yĩtawa Vai nĩwatw'ĩkie mũsumbĩ ĩtina wake. Mũka wake eetawa Meetaveli mwĩĩtu wa Matileti, mwĩsũkũũe wa Menzaavu. 51Aatati o nake nĩwakwie.

Anene ma mbaĩ sya Etomu maĩ, Timina, Alia, Yethethi, 52Oolivama, Ela, Vinoni, 53Kenasi, Temani, Mivisali, 54Makitieli na Ilami. Asu nĩmo maĩ anene ma Etomu.

Currently Selected:

1Mav 1: KAMBA

Highlight

Copy

Compare