1Mav Ũelesyo wa Ĩvuku Yĩĩ
Ũelesyo wa Ĩvuku Yĩĩ
Mavuku ma Maũndũ ma Mavinda mũno mũno maneenete ĩngĩ ĩũlũ wa maũndũ ala maandĩkĩtwe mavukunĩ ma Samũeli na ma Asumbĩ, ĩndĩ me na kĩeleelo kĩ kĩvathũkany'o. Mavuku ma Maũndũ ma Mavinda maandĩkĩtwe kumana na ieleelo ilĩ, ĩũlũ wa maũndũ ma tene ma ĩvinda yĩla andũ ma Ĩsilaeli matongoeaw'a nĩ mũsumbĩ ũmwe. Ieleelo isu ilĩ nĩ: (1) Kwonany'a kana o na vala kwĩ maũndũ mathũku ala makwatie ũsumbĩ wa Ĩsilaeli na wa Yuta, Ngai no waendee kwĩanĩsya motianĩo make andũnĩ ma Ĩsilaeli. O ta ũu Ngai no waendee kũseũvya mũvango wake kwondũ wa andũ make, aitũmĩa andũ ala maĩ Yuta. Mũandĩki wa mavuku ma Maũndũ ma Mavinda ayenda kũĩkĩĩthya ũu, nũnenganĩte maũndũ manene ala Ndeviti na Solomoni meekie; ũndũ Yeosavati, Esekia, na Yosia matatie kũete ũalyũku andũnĩ ma Ĩsilaeli, na ũndũ wa andũ ala maendeeie kwĩthĩwa me aĩkĩĩku kwa Ngai. (2) Kũelesya wambĩlĩĩlyo wa kũthaithĩa Ngai Ĩkalũnĩ Yelũsalemu, na mũno mũno ũndũ athembi na Alivai mathũkũmaa Ĩkalũnĩ yĩu vala ũthaithi weethĩawa. O na vala Solomoni nĩwe waakie Ĩkalũ yĩu, Ndeviti nũeleetw'e ta we mwambĩlĩĩlya wa Ĩkalũ na maũndũ ma kĩ-ũthaithi ala meekawa vo.
Maũndũ ala me Ĩvukunĩ Yĩĩ
Mosyaanĩo na masyĩtwa 1.1—9.44
Kĩkw'ũ kya Saũlo 10.1-14
Ũsumbĩko wa Ndeviti 11.1—29.30
a. Mathĩna na maũndũ ala Ndeviti weekie 11.1—22.1
b. Kwĩyũmbanĩsya kwaka Ĩkalũ 22.2—29.30
Currently Selected:
1Mav Ũelesyo wa Ĩvuku Yĩĩ: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011