Akalatia 6
6
Matao ũndũ matonya kwĩka
1 #
Mt 18.15; Yak 5.19. Ana‐a‐asa, o na ethĩwa mũndũ ekwatwa nĩ ĩvĩtyo o na yĩva, inyw’ĩ ala mwĩ ma Veva, mũtũngĩĩei ta ũsu na veva wa ũuu; ũkĩsyaĩĩsya mwene, ndũkatatwe. 2Kuan’yai mĩio ene kwa ene, na ũu mũkeanĩsya mwĩao wa Klĩsto. 3Nũndũ ethĩwa mũndũ eĩtalĩlya kwĩthĩwa kĩndũ, nake ti kĩndũ, eĩkenga mwene. 4#2 Ako 13.5.Ĩndĩ kĩla mũndũ aosye wĩa wake mwene, na nĩvo ĩndĩ wĩĩthĩwa na ũndũ wa kwĩkathĩĩa e we mwene, na ti kwĩelekan’ya na ũngĩ ũndũ wĩkaa. 5#Alo 14.12.Kwa kwĩthĩwa kĩla mũndũ akakua mũio wake mwene.
6 #
1 Ako 9.14. Ĩndĩ mũmanyĩw’a wa ĩla ndeto namũaĩe mũmanyĩsya syĩndũ syake syonthe nzeo. 7Mũikakengeke; Ngai ndavũĩawa ngũĩ: nũndũ o kĩla mũndũ ũvuĩaa, nokyo ũkaketha. 8#Alo 8.13; Yoa 6.63; 3.6.Nũndũ ũla ũvuĩĩaa mwĩĩ wake, kwa mwĩĩ wake akaketha wanangĩko; ĩndĩ ũla ũvuĩĩaa ũla Veva, kwa Veva akaketha thayũ ũtathela. 9#2 Ath 3.13.Na tũikanoe nĩ kwĩka nesa: nũndũ kyathĩ kyavika tũkaketha, ethĩwa tũileela. 10#2 Vet 1.7.Kwondũ wa ũu, o ũndũ twĩĩthĩwa na ũthei, twĩkei andũ onthe nesa, ĩndĩ mũno ala ma nyũmba ya mũĩkĩĩo.
Ndeto sya kũminũkĩlya
11Sisyai ũndũ maandĩko manenevete aa ngũmũandĩkĩa na kw’oko kwakwa mwene. 12#Aka 5.11; Avi 3.18.Onthe ala mekwenda kwoneka me aseo mwĩĩnĩ, nĩmeũmũthing’ĩĩsya mwaĩkwe; no kana maikathĩnw’e nũndũ wa ngelan’yo ya Klĩsto. 13Nũndũ o na asu ala maĩkawa nao ene matikwataa ĩla mĩao; ĩndĩ nĩmekwenda inyw’ĩ mwaĩkwe, nĩ kana mone ũndũ wa kwĩkathĩĩa mĩĩnĩ yenyu. 14#1 Ako 1.31; 2.2.Ĩndĩ kũikethĩwe nyie kwĩkathĩĩa, ate o ngelan’yonĩ ya Mwĩaĩi waitũ Yesũ Klĩsto, nayo kwondũ wayo nthĩ nĩyambĩtwe kwakwa, nakwa kwa nthĩ. 15#Aka 5.6; 1 Ako 7.19; Avi 3.3.Nũndũ kwaĩkwa ti ũndũ, o na kũlea kwaĩkwa, ĩndĩ nĩ kyũmbe kyeũ. 16#Sav 125.5; 128.6.Na onthe ala makaendaa maatĩĩe kĩeleelo kĩĩ, mũuo nĩwĩthĩwe kwamo, na tei, o na kwa Isilaeli ma Ngai.
17 #
2 Ako 4.10. Kuma yu mũndũ o na wĩva ndakanyamasye; nũndũ nĩngũkua movano ma Yesũ mwĩĩnĩ wakwa.
18Mumo wa Mwĩaĩi waitũ Yesũ Klĩsto nĩwĩthĩwe vamwe na maveva menyu, ana‐a‐asa. Ameni.
Currently Selected:
Akalatia 6: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
