Akalatia 5
5
1 #
Aka 4.5,31; Meko 15.10. Kwa kũthaw’a, Klĩsto nũtũthaĩtye: kwondũ wa ũu ũngamai na ũlũmu, mũikalingisane ĩngĩ kwovwanĩ kwa ũkombo.
Nyuva katĩ wa Klĩsto na Mĩao
2 #
2 Ako 10.1. Sisyai, nyie Vaulo nĩmwĩa, mwaĩkwa, Klĩsto ndakamũuna na ũndũ nongi. 3Ĩĩ, nĩngũkũsĩĩa ĩngĩ kĩla mũndũ ũla waĩkawa, kana e na thiĩ wa kwĩka ĩla mĩao yonthe. 4Nĩmũtaanĩtw’e na Klĩsto, inyw’ĩ ala mũkwenda kũtalĩlwa ũlũngalu kwondũ wa ĩla mĩao; nĩmwavalũkĩte kuma mumonĩ. 5Nũndũ ithyĩ kwondũ wa ũla Veva nĩtweteelaa wĩkwatyo wa ũlũngalu kwa nzĩa ya mũĩkĩĩo. 6#Aka 6.15; 1 Ako 7.19.Nũndũ nthĩnĩ wa Klĩsto Yesũ kwaĩkwa kũiaĩlya ũndũ, kana kũlea kwaĩkwa; ĩndĩ mũĩkĩĩo ũla ũtethasya wĩa kwondũ wa wendo. 7Mwasembete nesa; nũũ ũla wamũsiĩĩe mũikawĩw’e ũla w’o? 8#Aka 1.6.Kũsesengwa ku kũtyumĩte kwa ũla ũmwĩtaa. 9#1 Ako 5.6.Ĩlawa ĩnini nĩyĩkaatasya kĩmũtũ kyonthe. 10#Aka 1.7; 2 Ako 11.15.Nĩngũmũĩkĩĩa inyw’ĩ mũno nthĩnĩ wa Mwĩaĩi, kana mũikethĩwa na kĩlilikano kĩngĩ: ĩndĩ ũla ũmũthĩnasya akakua ũsilĩlo wake mwene, o na ethĩwa nũũ. 11#1 Ako 1.23.Ĩndĩ nyie, ana‐a‐asa, ethĩwa nĩtavan’ya nzaĩko kũvika o na yu, nĩthĩnĩaw’a kĩ? Ethĩwa ũu nĩ w’o ũlulutĩkyo wa ngelan’yo nũvetetwe. 12#Sav 12.3.Nenda asu meũmũthingithya maketile e mo ene.
Ũthasyo no mũvaka ũtongoew’e nĩ wendo
13 #
1 Vet 2.16. Nũndũ inyw’ĩ, ana‐a‐asa, mwetiwe mwĩthĩwe mwĩ athasye; ĩndĩ kũthaw’a kwenyu kũikethĩwe ũthei wa kwendeesya mwĩĩ, ĩndĩ thũkũmanai ene kwa ene kwondũ wa wendo. 14#Ali 19.18.Nũndũ ĩla mĩao yonthe ĩanĩw’e ndetonĩ ĩmwe, nayo nĩ ĩno: Mwende mũtũi waku o ũndũ wĩyendete mwene. 15Ĩndĩ ethĩwa nĩmũkũumana na kũĩsana inyw’ĩ kwa inyw’ĩ, ĩsũviei mũikaminane inyw’ĩ kwa inyw’ĩ.
Thayũ Vevanĩ
16Ĩndĩ nĩneena, Kinyaai mũtongoew’e nĩ Veva, na mũikeanĩsya mĩmeo ya mwĩĩ. 17#Alo 7.15,23; Yak 4.5; 1 Vet 2.11.Nũndũ mwĩĩ nĩwendaa ũkĩlan’ya vinya na ũla Veva, na Veva ũkĩlan’ya na mwĩĩ; nũndũ asu elĩ me na kaũ ene kwa ene; nĩ kana mũikatonye kwĩka maũndũ ala mũkwenda. 18#Alo 8.14.Ĩndĩ ethĩwa nĩmũtongoeaw’a nĩ Veva, mũi ungu wa mĩao. 19#1 Ako 6.9,10.Na yu mawĩa ma mwĩĩ nĩ moneku, nĩmo aa: ũlaalai, ũvuku, mĩmeo mĩthũku, 20kũthaitha mĩvw’anano, ũoi, ũmaitha, ĩteta kĩwĩu, mothilĩku, ngananĩo, ũtaanĩsyo, momanyĩsyo ma ũvũngũ, 21#Aev 5.5; Ũvu 22.15.mawendi, ũthengi, mboka itaĩle, na maũndũ angĩ mailyĩ ta asu; kũla kwi maũndũ asu nĩmũtaa mbee, o ũndũ namũtaie, kana ala mekaa maũndũ ta asu maikatiĩwa ũsumbĩ wa Ngai. 22#Aev 5.9.Ĩndĩ ũsyao wa Veva nĩ wendo, ũtanu, mũuo, wũmĩĩsyo, kwĩka angĩ nesa, ũseo, kĩthito, 23#1 Tim 1.9.ũuu, wĩting’o; kũĩ mwĩao kwa maũndũ ala mavw’anene na asu. 24#Alo 6.6; Ako 3.5; 1 Vet 2.11.Na ala ma Klĩsto Yesũ nĩmambĩte mwĩĩ vamwe na mĩmeo na mawendi maw’o.
25 #
Alo 8.4. Ethĩwa twĩĩkala thayũ kwondũ wa ũla Veva, o ta ũu tũendae kwondũ wa Veva. 26#Avi 2.3.Tũikekathĩĩe mana, tũikathatan’ye, na kwĩw’anĩa kĩwĩu.
Currently Selected:
Akalatia 5: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
