AEVESO 1
1
Ngethi
1 #
Alo 1.7; Ako 1.1; 1 Ako 1.2. Vaulo, mũtũmwa wa Klĩsto Yesũ kwondũ wa kwenda kwa Ngai, valũa ũũ wakwa ũmavikĩe atheu ala me Eveso, na ala me na kĩthito nthĩnĩ wa Klĩsto Yesũ: 2#Ako 1.2.Mumo nĩwĩthĩwe nenyu na mũuo kuma kwa Ngai Asa waitũ na Mwĩaĩi Yesũ Klĩsto.
Ndaĩa kwa Ngai
3 #
Aev 2.6. Nakathwe Ngai, Ĩthe wa Mwĩaĩi waitũ Yesũ Klĩsto, ũla ũtũathimĩte na kĩla ũathimo wa veva nthĩnĩ wa Klĩsto ĩtunĩ: 4#Yoa 15.16; 17.24; Aev 5.27.o ũndũ watũnyuvie nthĩnĩ wake nthĩ ĩtanambĩlĩlw’a, nĩ kana twĩthĩwe atheu tũte na ũndũ ũtaĩle mbee wake nthĩnĩ wa wendo: 5#Alo 8.29; Yoa 1.12.ũndũ watũnyuvie kuma tene tũtuwe ana kwake kwondũ wa Yesũ Klĩsto, kwĩanana na ũndũ wendie na kwenda kwake, 6#Mt 3.17; Ako 1.13.nĩ kana ũtheu mũtisu wa mumo wake ũkathwe, ũla watũnengie mana nthĩnĩ wa ũla Mwendwa: 7#Ako 1.14,20; Aev 2.7; 3.8,16.nake nthĩnĩ wake twĩ na wovosyo witũ kwondũ wa nthakame yake, ũekeo wa mavĩtyo maitũ, kwĩanana na ũthwii wa mumo wake, 8#Ako 1.9.naw’o atwingĩvĩsye na ũĩ w’onthe na ũmanyi, 9#Aev 3.9; Alo 16.25.akĩtũmanyĩthya nzama ya kwenda kwake, kwĩanana na kwenda kwake kũseo kũla watwie nthĩnĩ wake 10#Aka 4.4; Ako 1.16.kũvika walanyonĩ wa wĩanĩu wa mavinda, atũngĩanĩe syĩndũ syonthe nthĩnĩ wa Klĩsto, syĩndũ syi ĩtunĩ, na syĩndũ syĩ kũũ nthĩ; ĩĩ, nthĩnĩ wake we, 11#Ako 1.12; Alo 8.28.na ingĩ nthĩnĩ wake ithyĩ nĩtwatwiwe ũtiĩwa wake, nĩkwĩthĩwa nĩtwanyuviwe kuma tene kwĩanana na kwenda kwake we ũla wĩkaa maũndũ onthe kwa ũtw’ĩo wa kwenda kwake; 12nĩ kana ithyĩ twĩthĩwe ma kũtuma ũtheu wake mũtisu ũkathwa, ithyĩ ala twambie kwĩkwatya Klĩsto; 13#Aev 4.30; Ako 1.5,6.na nthĩnĩ wake o nenyu, mweew’a ndeto ya ũla w’o, nayo nĩ ũvoo mũseo wa ũtangĩĩo wenyu, — nake, mwamwĩtĩkĩla, nĩmwekĩiwe ũsiĩlo, naw’o nĩ Veva Mũtheu ũla wathaniwe, 14#2 Ako 1.22; 5.5.nake nĩ ngwatĩlĩlyo ya ũtiĩwa witũ, kũvika wovosyo wa ala make mwene ala wathooie, nĩ kana ũtheu wake mũtisu ũkathwe.
Mboya kwondũ wa kũmũmanya Ngai
15 #
Ako 1.4,9. Kwondũ wa ũu o nakwa, neew’a ũvoo wa mũĩkĩĩo ũla mwĩ naw’o nthĩnĩ wa Mwĩaĩi Yesũ, na wendo ũla mwonanasya kwa atheu onthe, 16#Ako 1.3.ndiekaa kũtũnga mũvea kwondũ wenyu, ngĩmũweta mboyanĩ syakwa; 17#Ako 1.10.kwa Ngai wa Mwĩaĩi waitũ Yesũ Klĩsto, Asa wa ũtheu mũtisu, amũnenge veva wa ũĩ na ũvuan’yo wa kũmũmanya we; 18#Kũt 33.3,4; Ako 1.5,11,12,27.metho ma ngoo syenyu mekĩwe kyeni, nĩ kana mũmanye ũndũ ũilyĩ wĩkwatyo wa wĩtano wake, na ũndũ ũilyĩ wingĩ wa ndaĩa wa ũtiĩwa wake nthĩnĩ wa atheu, 19#2 Ako 13.4; Ako 1.11; 2.12.na ũndũ ũilyĩ ũnene mũvĩtũku wa vinya wake kwondũ witũ ala twĩtĩkĩlaa, kwĩanana na kwĩka kwa vinya wa ũtonyi wake 20#Sav 110.1.ũla wekie nthĩnĩ wa Klĩsto, yĩla wamũthayũũkisye kũmumya kwa akw’ũ, na kũmwĩkalya kw’okonĩ kwa aũme kwake kwake ĩtunĩ, 21#Ako 1.16; 2.10.ĩũlũ mũno mbee wa ũnene w’onthe, na ũkũmũ, na vinya, na ũsumbĩko, na kĩla syĩtwa yĩwetawa, ti ĩvinda yĩĩ yoka, ĩndĩ o na ĩvinda yĩla yĩkoka: 22#Sav 8.6; Mt 28.18; Aev 4.15; Ako 1.18.na nĩwaiie syĩndũ syonthe ungu wa nyaĩĩ syake aisumbĩke, na amwia ethĩwe mũtwe ĩũlũ wa maũndũ onthe kwondũ wa ĩkanisa, 23#Alo 12.5; Ako 1.19; 1 Ako 12.27; Aev 4.10.nayo nĩ mwĩĩ wake, wĩanĩu wake ũla wusũasya maũndũ onthe nthĩnĩ wa onthe.
Currently Selected:
AEVESO 1: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
