Popular Bible Verses from Akalatia 6

Share

Na tũikanoe nĩ kwĩka nesa: nũndũ kyathĩ kyavika tũkaketha, ethĩwa tũileela.

Kwondũ wa ũu, o ũndũ twĩĩthĩwa na ũthei, twĩkei andũ onthe nesa, ĩndĩ mũno ala ma nyũmba ya mũĩkĩĩo.

Kuan’yai mĩio ene kwa ene, na ũu mũkeanĩsya mwĩao wa Klĩsto.

Mũikakengeke; Ngai ndavũĩawa ngũĩ: nũndũ o kĩla mũndũ ũvuĩaa, nokyo ũkaketha.

Nũndũ ũla ũvuĩĩaa mwĩĩ wake, kwa mwĩĩ wake akaketha wanangĩko; ĩndĩ ũla ũvuĩĩaa ũla Veva, kwa Veva akaketha thayũ ũtathela.

Ana‐a‐asa, o na ethĩwa mũndũ ekwatwa nĩ ĩvĩtyo o na yĩva, inyw’ĩ ala mwĩ ma Veva, mũtũngĩĩei ta ũsu na veva wa ũuu; ũkĩsyaĩĩsya mwene, ndũkatatwe.

Nũndũ ethĩwa mũndũ eĩtalĩlya kwĩthĩwa kĩndũ, nake ti kĩndũ, eĩkenga mwene. Ĩndĩ kĩla mũndũ aosye wĩa wake mwene, na nĩvo ĩndĩ wĩĩthĩwa na ũndũ wa kwĩkathĩĩa e we mwene, na ti kwĩelekan’ya na ũngĩ ũndũ wĩkaa. Kwa kwĩthĩwa kĩla mũndũ akakua mũio wake mwene.